ავტოსპორტი

21:21 | 15.07.2020 | ნანახია [] - ჯერ

ირვაინი ფეტელს აკრიტიკებს

„ფერარის“ ყოფილი პილოტი, ირლანდიელი ედი ირვაინი იტალიურ გუნდს ურჩევს, რომ სებასტიან ფეტელი დაუყოვნებლივ გაუშვას და მის ადგილზე ნებისმიერი სხვა პილოტი მიიწვიოს, რომელიც სეზონს დაასრულებს. როგორც ცნობილია, მსოფლიოს ოთხგზის ჩემპიონი „ფერარის“ მიმდინარე სეზონის ბოლოს დატოვებს, მის ადგილს კი კარლოს საინსი დაიკავებს.

„ბევრჯერ აღვნიშნე, დღეს ფეტელის პრობლემა ისაა, რომ უამრავ შეცდომას უშვებს. მართალია, ბოლო რბოლაში ის არ შემცდარა, ინციდენტი ლეკლერის ბრალი იყო, მაგრამ ფეტელმა მას ზედმეტად დიდი სივრცე დაუტოვა, რითაც თითქოს შეტევისკენ უბიძგა. მერე კი, როცა ლეკლერმა გასწრება სცადა, ფეტელმა მარჯვნივ მოხვევა დაიწყო, რადგან მარცხნივ სხვა მეტოქე უტევდა“, - ამბობს ირვაინი.

ირლანდიელი ამბობს, რომ „ფერარის“ ყავს პილოტი, რომელმაც იცის, რომ უშვებენ. და შესაბამისად, მასზე ზემოქმედება არ შეუძლია. მისივე თქმით, აშკარაა, რომ ნომინალური პირველი ნომერი ლეკლერია.

„სიმართლე რომ ვთქვა, მე ფეტელს დაუყოვნებლივ გავუშვებდი. უბრალოდ გადაუხადონ და მის ადგილზე ვინმე ახალგაზრდა პილოტი დასვან. სულერთია, ვინ იქნება. გუნდში ფეტელის ყოფნას ახლა მხოლოდ დამანგრეველი ეფექტი შეიძლება ჰქონდეს. თუმცა ფერარის ალბათ აქვს იმის მიზეზიც, რომ არაფერი შეცვალოს. იქნებ მათ არ სურთ მისთვის სოლიდური თანხის გადახდა იმისათვის, რომ არაფერი გააკეთოს“, - დასძენს ირვაინი.

0.129959