კალათბურთი

0:09 | 19.05.2020 | ნანახია [] - ჯერ

ევროლიგა: "თორნიკე შენგელიას პროგრესი თვალშისაცემია" (+VIDEO)

ესპანური „ბასკონიას“ ქართველ კაპიტან თორნიკე შენგელიას შესახებ ევროლიგის ვებგვერდმა ვრცელი წერილი მიუძღვნა, რომელშიც ჩვენებურის პროგრესზეა საუბარი.

Euroleague.net-ი წერს, რომ შენგელია წლიდან წლამდე ყველა კომპონენტში უმატებს და მომდევნო წლებშიც ლიგაში ერთ-ერთი გამორჩეული იქნება.

„ბასკონიას“ ქართველი ვარსკვლავი მძიმე ფორვარდის თანამედროვე მოთხოვნებს სრულად აკმაყოფილებს. ბოლო წლებში საკუთარ თამაშს დამატებითი ელემენტები შესძინა და უნივერსალ მოთამაშედ იქცა, რის ხარჯზეც მისთვის სუსტი წერტილის პოვნა ძალიან ძნელია. მისი პოზიციისთვის არადამახასიათებლად კარგად ფლობს ბურთს, თითქოს გამთამაშებელია. ეს საშუალებას აძლევს შეტევა ხშირად დანქით დაასრულოს. უნდა აღინიშნოს, რომ პროგრესი, რომელიც სამქულიანებში განიცადა. მისი სარეკორდო მაჩვენებელი 2017-2018 წლების სეზონში 25 სამქულიანი იყო, ხოლო მიმდინარე სეზონში, რომელიც არ დასრულებულა, უკვე 34 სამქულიანი მიითვალა.

შენგელიას საოცრ პროგრესზე ქულებშიც საშუალო მაჩვენებლის გაზრდაც მეტყველებს. 11.4-დან 15.9-მდე, საშუალოდ 8.3 ორქულიანს ისვრის, ხოლო 3.1 სამქულიანს. გაიზარდა პროცენტული მაჩვენებელიც - 58.6% ორქულიანებში და 39.1% სამქულიანებში. ქართველი ბურთსაც ხშირად ფლობს და მისი შედეგიანი პასების რაოდენობაც 1.6-დან 2.9-დე გაიზარდა. პროგრესი აქვს საჯარიმოებშიც, შარშან მისი შედეგი 70.4% იყო, ხოლო წელს 76.9%-ია. პროგრესი თვალშისაცემია, თუმცა ჯერ მხოლოდ 28 წლისაა და მომდევნო წლებშიც ევროლიგის MVP-ის მოპოვების ერთ-ერთი უმთავრესი კანდიდატი იქნება“, - წერს ვებგვერდი.

შეგახსენებთ, რომ ევროლიგის 2019-2020 წლების სეზონში თორნიკე საშუალოდ მატჩში 30:24 წუთს თამაშობდა და 15.9 ქულას, 5.6 მოხსნას, 2.9 პასს აგროვებდა, 18.5 მარგი ქმედების კოეფიციენტით.

0.120736