ფეხბურთი

12:25 | 24.04.2020 | ნანახია [] - ჯერ

რეტრო თამაში: ასათიანის გოლი და ძელზე შეჯახებული რუშთუ (+VIDEO)

როგორც წესი საქართველოს ნაკრები შესარჩევ ეტაპებს იმედიანად იწყებდა, მაგრამ შემდეგ ყველაფერი უარესდებოდა. ასე იყო, მსოფლიოს 2006 წლის ჩემპიონატის საკვალიფიკაციო ტურნირიზეც.

ალან ჟირესის გუნდი პირველ ტურში ტრაბზონში თურქეთის ნაკრებს ესტუმრა და ქულა მოიპოვა, რაც ჩინებული შედეგი იყო. ფათიჰ თეკეს 49-ე წუთზე თავით გატანილ გოლს საფინალო სასტვენამდე 5 წუთით ადრე თავითვე უპასუხა მალხაზ ასათიანმა და საბოლოო ანგარიში დააფიქსირა. ვთქვათ ისიც, რომ 59-ე წუთიდან თურქები კაცნაკლულები ირჯებოდნენ, რადგან ჰასან შაში ესპანელმა არბიტრმა ლუის მედინა კანტალეხომ გააძევა.

საქართველოს ნაკრები ტრაბზონიდან ქულით დაბრუნდა, მაგრამ სამწუხაროდ სი შესარჩევი ეტაპი მეტისმეტად წარუმატებელი იყო, რადგან 12 თამაშში მხოლოდ 10ქულა მოიპოვა და ჯგუფში ოდენ დებიუტანტ ყაზახეთს აჯობა, რომელმაც უეფას საკვალიფიკაციო ეტაპზე ისტორიაში პირველი და იმ შესარჩევ ციკლში ერთადერთი ქულა სწორედ თბილისში მოიპოვა. ჩვენ ალბანეთს, საბერძნეთს, დანიას, თურქეთსა და უკრაინას ჩამოვრჩით.

თურქეთი - საქართველო 1:1 (0:0)

ტრაბზონი, „ჰუსეინ ავნი“, 10 000 მაყურებელი

თურქეთი: რუშთუ, ბალჩი, დენიზი, ტორამანი, ოზათი, ოქან ბურუქი, ემრე, ჰასან შაში, თუნჯაი (კარადენიზი 71), თეკე (ჩიმშირი 71), შუკური (ნიჰათი 79)

საქართველო: დევაძე, მჟავანაძე, ხიზანიშვილი, კალაძე, ხიზანეიშვილი (კვარაცხელია 90), ცქიტიშვილი, კვირკველია, რეხვიაშვილი (ასათიანი 80), ჯამარაული, დემეტრაძე (ჯაკობია 75), შ. არველაძე

გოლები: 1:0 თეკე (49), 1:1 ასათიანი (85)

0.156504