ფეხბურთი

12:47 | 22.03.2020 | ნანახია [] - ჯერ

ალისონმა "ლივერპულის" ბაზაზე ვარჯიშის მიზეზი ახსნა

ბრაზილიის ეროვნული ნაკრების და "ლივერპულის" მეკარემ ალისონ ბეკერმა განაცხადა, რომ სარეაბილიტაციო პერიოდს გადის და ამის გამო კლუბის ბაზაზე უწევს ვარჯიში. სამხრეთამერიკელმა აღნიშნა, რომ თანაგუნდელებთან შეხება არ აქვს, რადგან ისინი სახლში თვითიზოლაციაში არიან.

"კლუბმა მითითება გასცა, რომ ყველა სახლში უნდა დარჩენილიყო, მაგრამ ჩემი შემთხვევა სხვანაირია, რადგან ტრავმირებული ვიყავი. მადლობა ღმერთს, სერიოზული ტრავმა არ მქონდა, მაგრამ ყველა დაზიანება მოვლას საჭიროებს და რეაბილიტაციას ბაზაზე ვაგრძელებ. ჩემ თანაგუნდელებთან კონტაქტი არ მაქვს, რადგან ისინი სახლში არიან. ვისთანაც მაქვს შეხება ესენი არიან ფიზიოთერაპევტი და მეკარეების მწვრთნელი, რომლებიც მეხმარებიან. ასეთ სიტუაციაშიც ვიცავთ წესებს და ყველა რეკომენდაციას ვითვალისწინებთ, ხელებს ხშირად ვიბანთ და სახეზე ხელს არ ვიკიდებთ. ერთმანეთთან დისტანცია გვაქვს." - განუცცხადა Liverpool echo-ს ალისონმა.

ალისონმა ტრავმა მარტის დასაწყისში მიიღო და ამის შემდეგ რამდენიმე შეხვედრა გამოტოვა, მათ შორის მადრიდის "ატლეტიკოსთან" წაგებული ჩემპიონტა ლიგის მერვედფინალური ეტაპის საპასუხო შეხვედრა.

0.118833