ფეხბურთი

22:00 | 13.03.2020 | ნანახია [] - ჯერ

არტეტა: "ჩვენ ერთად გადავლახავთ ამ სიტუაციას"

ლონდონის "არსენალის" მთავარმა მწვრთნელმა მიკელ არტეტამ კორონავირუსის დადასტურების შემდეგ ტვიტერის გვერდზე დაწერა, რომ თავს კარგად გრძნობს და გულსემატკივრებს გვერდში დგომისთვის მადლობა გადაუხადა.

"მადლობა ყველას თბილი სიტყვებისთვის და მხარდაჭერისთვის. თავს უკვე კარგად ვგრძნობ. ჩვენ უპრეცედენტო და უზარმაზარი გამოწვევის წინაშე ვდგავართ. ახლა, ყველას ჯანმრთელობა მნიშვნელოვანია. გავუფრთხილდეთ ერთმანეთს მითითებების მიხედვით და ჩვენ ერთად გადავლახავთ ამ სიტუაციას. პრემიერლიგამ სწორი გადაწყვეტილება მიიღო." - წერს ტვიტერის გვერდზე არტეტა.

"არსენალმა" არტეტას დადებითი პასუხის შემდეგ სავარჯიშო მოედანი დახურა, ხოლო სტაფის ის წევრები, რომლებსაც მიკელთან ურთიერთობა ჰქონდათ თვითიზოლაციაში იმყოფებიან. დღეს, ასევე ცნობილი გახდა, რომ "ვესტ ჰემის" ფეხბურთელები და სტაფის წევრები კარანტინში არიან, რადგან "არსენალი" 6 მარტს "ჩაქუჩებს" დაუპირისპირდა, ხოლო მთავარ მწვრთნელს დევიდ მოიესს შეხვედრის შემდეგ არტეტასთან ჰქონდა კონტაქტი.

0.114124