კორონავირუსის საფრთხის გამო მორიგი შეჯიბრებები შეწყდა. როგორც ევროლიგისა და ევროთასის (EuroCup) ვებგვერდები იტყობინება, ორივე ტურნირი გაურკვეველი ვადით შეწყდა.

მას შემდეგ, რაც მადრიდის „რეალის“ საკალათბურთო გუნდის ერთ-ერთ მოთამაშეს კორონავირუსი დაუდასტურდა, ევროლიგის ხელმძღვანელობამ ეს ნაბიჯი გადადგა.

შეგახსენებთ, დღესვე NBA-ც შეწყდა, ევროლიგის რეგულარული სეზონის დასრულებამდე კი 6 ტურია დარჩენილი.