ფეხბურთი

22:49 | 1.03.2020 | ნანახია [] - ჯერ

„სიტიმ“ ინგლისის ლიგის თასი ზედიზედ მეორედ მოიპოვა

ინგლისის ლიგის თასის ფინალი უფრო კონკურენტული აღმოჩნდა, ვიდრე წარმოვიდგენდით. თუ პრემიერლიგის მიმდინარე სეზონში, ჯამში „სიტიმ“ „ასტონ ვილას“ 9:1 აჯობა, „უემბლიზე“ პეპ გვარდიოლას სამწყსომ მხოლოდ მინიმალურ უპირატესობას მიაღწია.

თავიდან თითქოს ყველაფერი ლოგიკურად ვითარდებოდა და ნახევარი საათის თავზე „ქალაქელები“ აგუეროსა და როდრის გოლებით ორბურთიანი უპირატესობით იგებდნენ. მაგრამ ტაიმის ბოლოს სტოუნზის შეცდომამ ბირმინგემელებს ერთი ბურთის გაქვითვის საშუალება მისცა და ინტრიგაც დაბრუნდა.

მეორე ნახევარში გოლები აღარ გასულა, თუმცა ბოლოსკენ ვილელებმა ერთგვარი შტურმივით მოუწყვეს მრისხანე მეტოქეს და რომ არა მეკარე ბრავოს ჩინებული თამაში, ვინ იცის, რა მოხდებოდა.

საბოლოოდ, უფრო ძლიერმა მაინც გაიმარჯვა. „სიტიმ“ ზედიზედ მეორედ მოიპოვა ეს პრიზი. ჯამში კი ეს „ქალაქელების“ მეშვიდე ლიგის თასია. მეტჯერ ამ ტურნირში მხოლოდ „ლივერპულს“ უმარჯვია - რვაჯერ.

ინგლისის ლიგის თასი. ფინალი

ასტონ ვილა - სიტი 1:2

ლონდონი. „უემბლი.“ 82 145

0:1 აგუერო (20), 0:2 როდრი (30), 1:2 სამატა (41)

ასტონ ვილა: ნიულანი, ტარგეტი, ენგელსი, მინგსი, ჟილბერი, ნაკამბა, ლუისი, ალ მუჰამადი (ტრეზეგე 70), გრილიში, ელ ღაზი (ჰურიჰეინი 70), სამატა (დევისი 80)

მწვრთნელი: დინ სმიტი

სიტი: ბრავო, უოკერი, სტოუნზი, ფერნანდინიო, ზინჩენკო, გიუნდოგანი (დე ბრუინი 58), როდრი, ფოდენი, დავიდ სილვა (ბერნარდუ სილვა 77), აგუერო (ჟეზუსი 83), სტერლინგი

მწვრთნელი: ხოსეპ გვარდიოლა

მსაჯი: ლი მეისონი

გაფრთხილება: ალ მუჰამადი (68), ნაკამბა (72), მინგსი (90+3); სტერლინგი (57), როდრი (60)

0.127185