საქართველოს ნაკრების მომავალმა მეტოქემ ბელარუსის ნაკრებმა თებერვლის შეკრება დაიწყო და პირველი სპარინგ მატჩი უზბეკეთის ნაკრებთან გამართა.

მიხაილ მარხელის გუნდმა მეტოქის ძლევა მინიმალური ანგარიშით მოახერხა და ეს ერთადერთი გოლი 26-ე წუთზე პაველ ნეხაიჩიკმა გაიტანა. ბელარუსი აღნიშნული შეკრების ფარგლებში კიდევ ერთ ამხანაგურ თამაშს ჩაატარებს და სოფიაში ბულგარეთის ნაკრებს 26 თებერვალს დაუპირისპირდება.

უზბეკეთთან კი, ბელარუსებმა ასეთი შემადგენლობით ითამაშეს.

ძირითადი შემადგენლობა: პავლიუჩენკო, დრაგუნი, მატვეიჩიკი, პოლიტევიჩი, კორზუნი, კენდიში, ლაპტევი, პავლოვეცი, ბურკო, სტასევიჩი, ნეხაიჩიკი

შეცვლაზე შევიდნენ: შვეცი, ლისაკოვიჩი, პოდსტრელოვი, კარპოვიჩი

შეგახსენებთ, საქართველო - ბელარუსის მატჩი 26 მარტს, თბილისში, 21:00 საათზე გაიმართება.