ფეხბურთი

22:56 | 20.02.2020 | ნანახია [] - ჯერ

ალეგრიმ სექტემბრამდე დაბრუნება გამორიცხა

ტურინის "იუვენტუსის" ყოფილმა მწვრთნელმა მასიმილიანო ალეგრიმ განაცხადა, რომ სექტემბრამდე დაბრუნებას არ აპირებს. იტალიელმა AFP-თან საუბრისას ასევე აღნიშნა, რომ "პარი სენ ჟერმენთან" და "მანჩესტერ იუნაიტედთან" დაკავშირებით ჭორებია გავრცელებული და მისი მომავალი ჯერ გაურკვეველია.

"სექტემბერში დაბრუნება მჭირდება და თუ ეს არ მოხდება კვლავ დავისვენებ და აღარასდროს ვიმუშავებ. ჯერ კიდევ დრო მაქვს და ამის გამოყენებას ვაპირებ. არ ვაპირებ ჩემ მომავალზე საუბარს რადგამ ჯერჯერობით სათქმელი არაფერია და ასევე, საუბარი ამ ეტაპზე სხვა მწვრთნელებისადმი უპატივცემულობა იქნება." - განაცხადა იტალიელმა.

მასიმილიანო პარიზში საკუთარი წიგნის პრეზენტაციაზე იმყოფება და ასევე აღნიშნა, რომ ინგლისურ ენას პირადი მიზეზების გამო სწავლობს. ალეგრიმ, რომელმაც "მილანს" იტალიის ჩემპიონატი ბოლოს 2011 წელს მოაგებინა და "იუვენტუსი" ქვეყნის ჩემპიონი ხუთჯერ გახადა, "ბიანკონერი" 2018 წელს დატოვა და მას შემდეგ უგუნდოდაა.

0.168944