კალათბურთი

23:49 | 2.02.2020 | ნანახია [] - ჯერ

გიორგი შერმადინის 20 ქულა "ბარსელონასთან"

გიორგი შერმადინის „იბეროსტარ ტენერიფემ“ 2020 წელს პირველი მარცხი განიცადა. ლიგა ენდესას მეოცე ტურში ჩვენებურის გუნდი საკუთარ მოედანზე „ბარსელონას“ დაუხვდა და დაძაბულ ბრძოლაში, 83:87 წააგო.

კატალონელებმა პირველი ტაიმის შემდეგ 10-ქულიანი უპირატესობა მოიპოვეს, შემდეგ კი „ტენერიფემ“ შეძლო სხვაობის მინიმუმამდე შემცირება. თუმცა ბოლოსკენ „ბარსელონამ“ მობილიზება შეძლო და საბოლოოდ გამარჯვება შეძლო.

გიორგი შერმადინმა 26:18 წუთში 20 ქულა, 6 მოხსნა და 1 პასი მიითვალა. ქართველმა ცენტრმა 12-დან 8 ორქულიანი (67%) და 5-დან 4 საჯარიმო (80%) ჩააგდო, ხოლო მისი მარგი ქმედების კოეფიციენტი 20-ს გაუტოლდა. ამ მაჩვენებლით გიორგი მხოლოდ ორ მოთამაშეს, თანაგუნდელ სასუ სალინს (29) და ბარსელონელ ნიკოლა მიროტიჩს (23) ჩამორჩა.

ამრიგად, „იბეროსტარ ტენერიფემ“ ოთხმატჩიანი მოგებათა სერია დაასრულა, 13 გამარჯვებისა და 7 მარცხის ბალანსით მეოთხე ადგილზეა. მომდევნო ტურში კი 8 თებერვალს, „მურსიას“ ესტუმრება.

0.161926