ფეხბურთი

11:44 | 29.12.2019 | ნანახია [] - ჯერ

"მონაკომ" მორენოს დანიშვნა გააოფიციალურა, ჟარდიმი კომპენსაციის სახით 8 მილიონს მიიღებს

"მონაკოს" ახალი მთავარი მწვრთნელი ესპანეთის ეროვნული ნაკრების ყოფილი თავკაცი რობერტ მორენო გახდა. როგორც ლიგა 1-ის კლუბის ოფიციალური ვებგვერდი იუწყება, 42 წლის სპეციალისტმა კონტრაქტი 2022 წლის ივლისამდე გააფორმა.

მორენომ აღნიშნულ პოსტზე ლეონარდუ ჟარდიმი ჩაანაცვლა. როგორც Monaco-Matin-ი იუწყება, პორტუგალიელმა სპეციალისტმა და მისმა სამწვრთნელო შტაბმა კომპენსაციის სახით რვა მილიონი ევრო მიიღო.

ჟარდიმმა "მონაკო" პირველად 2014 წელს ჩაიბარა და 2018 წლამდე წვრთნიდა, მეორედ კი აღნიშნულ პოსტზე 2019 წლის დასაწყისში დანიშნეს. მორენო ესპანეთის ნაკრებს 2019 წლის მარტიდან 2019 წლის ნოემბრამდე წვრთნიდა და გუნდი ევროპის ჩემპიონატზე გაიყვანა.

0.112115