მილანის „ინტერმა“ არტურო ვიდალთან პირად შეთანხმებას მიაღწია. იტალიური მედიის ინფორმაციით, ანტონიო კონტე ჩელელ ნახევარმცველს პირადად ესაუბრა და შეთანხმდნენ.

ვიდალი „ნერაძურისთან“ კონტრაქტს 2022 წლის ზაფხულამდე გააფორმებს და სეზონში ანაზღაურების სახით 5 მილიონ ევროს მიიღებს. აღსანიშნავია, რომ ვიდალი "ბარსას" გადაუხდელი პრემიებისთვის უჩივის და საუბარია 2.4 მილიონ ევროზე, რაც მისი ესპანეთიდან წასვლის შანსს კიდევ უფრო ზრდის.

თუმცა, ჯერჯერობით კლუბები ვერ რიგდებიან. „ინტერი“ იანვარში ფეხბურთელის იჯარით აყვანას ზაფხულში გამოსყიდვის უფლებით ლამობს, მაგრამ შეთავაზებული 12 მილიონი ევრო ესპანური მხარისთვის მიუღებელია.

პარალელურად საქმეში „იუვენტუსიც“ ჩაერთო, რომელიც ფეხბურთელის თაობაზე „ბარსელონას“ დაუკავშირდა, მაგრამ ვიდალისთვის ბრძოლაში „ინტერი“ ფავორიტია.