2008-09 წლების სეზონის შემდეგ, ყველა ინგლისური კლუბი გავიდა ევროთასების პლეი ოფში - გვამცნობს პორტალი Squawka.

ჩემპიონთა ლიგაში ჯგუფებში პირველი ადგილები დაიკავეს „ლივერპულმა“ და „მანჩესტერ სიტიმ.“ „ტოტენჰემი“ და „ჩელსი“ კი მერვედფინალში მეორე ადგილებიდან მოხვდნენ.

ევროპა ლიგაში „არსენალმა“ და „მანჩესტერ იუნაიტედმა“ ასევე პირველ ადგილებზე დაამთავრეს ჯგუფური ეტაპი. „ვულვერჰემპტონს“ მეორე ადგილიდან ერგო ეს პატივი.

შეგახსენებთ, რომ გასულ სეზონში ორივე ევროთასის ფინალი ინგლისური იყო („ლივერპული“ – „ტოტენჰემი“ 2:0, “ჩელსი“ – „არსენალი“ 4:1).

ჩემპიონთა ლიგის მერვედფინალის და ევროპა ლიგის მეთექვსმეტედფინალის კენჭისყრა ორშაბათს, 16 დეკემბერს გაიმართება.