ფეხბურთი

15:16 | 11.12.2019 | ნანახია [] - ჯერ

შეზღუდული სათამაშო დრო: გიორგი აბურჯანია "ტვენტეს" ტოვებს

საქართველოს ნაკრების ნახევარმცველი გიორგი აბურჯანია იანვარში დიდი ალბათობით გუნდს შეიცვლის. როგორც Twenteinsite.nl-ი იტყობინება, ჩვენებური ენსხედეში სათამაშო დროს ვერ მიიღებს და ზამთარში გუნდის დატოვების ერთ-ერთი მთავარი კანდიდატია.

გიორგის ემილ ბერგრეენთან და რაფიკ ზეხნინისთან ერთად „ტვენტეს“ დატოვებას უწინასწარმეტყველებენ.

„ტვენტეს“ ბევრი ფეხბურთელი ჰყავს, რომელთაც სათამაშო დრო შეზღუდული აქვთ. მაგალითად აბურჯანია. მან ზაფხულში ორწლიანი საიჯარო კონტრაქტი გააფორმა, მაგრამ არასდროს თამაშობს. ამ მომენტიდან ფაქტობრივად ვეღარ მიიღებს სათამაშო წუთებს“, - წერს გამოცემა.

შეგახსენებთ, 24 წლის ნახევარმცველი „ტვენტეს“ ზაფხულში შეუერთდა, მაგრამ გუნდის ძირითად შემადგენლობაში ვერ დამკვიდრდა. ერედივიზიონში დღემდე 10 მატჩი ჩაატარა, თუმცა ათჯერვე შეცვლაზე ითამაშა (ჯამში 146 წუთი). მიუხედავად მწირი სათამაშო დროისა, გიორგიმ გოლის გატანა მოახერხა, როდესაც 15 სექტემბერს, „სიტარდის“ კარი აიღო.

სად გააგრძელდება აბურჯანიას კარიერა ამ ეტაპზე უცნობია, მოგეხსენებათ, მისი სატრანსფერო უფლებები ესპანურ „სევილიას“ ეკუთვნის.

0.149696