ფეხბურთი

0:05 | 2.12.2019 | ნანახია [] - ჯერ

18 წლის დებიუტანტი მეკარე, რომელმაც "იუვენტუსი" არ გაახარა (+VIDEO)

ტურინის „იუვენტუსთან“ „სასუოლოს„ კარი სტეფანო ტურატიმ დაიცვა. 18 წლის მეკარე, რომელსაც სერია A-ში დებიუტი ჰქონდა, პირველი კარის დარაჯია, რომელიც 2000 წლის შემდეგ დაიბადა და იტალიის ჩემპიონატში ითამაშა.

ტურატის კერპი ჯანლუიჯი ბუფონია და ბედად, სწორედ მის წინააღმდეგ მოუწია თამაში. ბუნებრივია, ახალგაზრდა კიპერის ესოდენ მნიშვნელოვან თამაშში გამოჩენა შემთხვევითი არ ყოფილა - ძირითადი მეკარე ანდრეა კონსილი და მისი შემცვლელი ჯანლუკა პეგოლო ტრავმირებულნი იყვნენ.

„სასუოლო“ მიმდინარე სეზონში პირველი გუნდი გახდა, რომელმაც ტურინში „იუვენტუსთან“ არ წააგო. ეს კი, 18 წლის კარის დარაჯის დიდი დამსახურებით მოხდა, მიუხედავად იმისა, რომ ორი გოლი გაუშვა (ერთი პენალტით). ტურატიმ არაერთხელ იხსნა თავისი უნდი გაშვებული გოლისგან და იტალიური მედია დიდებული დებიუტით აალაპარაკა.

„თამაშის შემდეგ ბუფონმა კომპლიმენტები მითხრა, მის წინააღმდეგ თამაში ჩემთვის პატივი იყო, ყველა ბავშვისთვის იდეალია, პატარაობიდან ვუყურებდი მის თამაშებს. თავიდან ძალიან ვღელავდი. საოცარი ემოცია და დაუვიწყარი შეგრძნება გახლდათ. ყველზე რთული სეივი? რონალდუს ჯარიმის აღება ყველაზე მეტად გამიჭირდა. მატჩის შემდეგ პირველი დედაჩემმა დამირეკა“, - თქვა ტურატიმ.

0.128497