რაგბი

18:17 | 20.11.2019 | ნანახია [] - ჯერ

10-კაცა და ქუჩის რაგბი თელავში

24 ნოემბერს რაგბის კავშირის დელეგაცია თელავს ეწვევა, სადაც ქუჩის რაგბისა და 10-კაცას საჩვენებელი შეხვედრები გაიმართება.

ორივე მიმართულების პოპულარიზაცია „მსოფლიო რაგბის“ ინიციატივაა და საქართველოს რაგბის კავშირი ამ პროცესში აქტიურადაა ჩართული. თბილისის რამდენიმე უბნის შემდეგ, 10-კაცა და ქუჩის რაგბი დედაქალაქის ფარგლებს გასცდა და 9 ნოემბერს თამაშები ზესტაფონში გაიმართა, ახლა კი თელავის ჯერი დადგა.

მოქმედი და ვეტერანი მორაგბეები, მათ შორის ბორჯღალოსნები, თელავს 24 ნოემბერს ეწვევიან და 13 საათზე ერეკლე II-ს ქუჩაზე (ახალ ბაღთან) ქუჩის რაგბს ითამაშებენ, რომელშიც ეტაპობრივად ადგილობრივებიც ჩაერთვებიან, თამაშის დასრულების შემდეგ კი, მათ საჩუქრად ბურთები გადაეცემათ.

ამის შემდეგ სტუმრები კავკასიონის ქუჩა 51-ში მდებარე „კავკასიონი არენაზე“ გადაინაცვლებენ, სადაც 15:30 საათზე 10-კაცას საჩვენებელი თამაში დაიწყება და მასში თელავისა და პატარძეულის გუნდები მიიღებენ მონაწილეობას.

site.rugby.ge

0.109745