სხვა

18:22 | 10.11.2019 | ნანახია [] - ჯერ

მერაბ დვალიშვილის ისტორიული გამარჯვება და სამბისტების წარმატებული ასპარეზობა (+VIDEO

სამხრეთ კორეის დედაქალაქ სეულში სამბოს მსოფლიო ჩემპიონატის დასკვნით დღეს UFC-ის ქართველი მებრძოლი მერაბ დვალიშვილი 2019 წლის მსოფლიოს ჩემპიონატზე საბრძოლო სამბოში მიმდინარე ტურნირის ვერცხლის მედალოსანი გახდა.

ქართველმა ძალები 68 კილოგრამ წონით კატეგორიაში მოსინჯა და ფინალამდე დამაჯერებლად მივიდა. მანამდე კი კოლუმბიელ, თურქმენ, ლიტველ და ყაზახ მეტოქეებს მოუგო. ოქროს მედლისთვის ბრძოლაში კი დვალიშვილი რუს სტეფან კობენოვს დაუპირისპირდა, თუმცა 1:4 დამარცხდა და საბოლოოდ ვერცხლის მედალს დაეუფლა.

აღსანიშნავია ის ფაქტიც, რომ აქამდე საბრძოლო სამბოში ქართველი სპორტსმენი მსოფლიოს ჩემპიონატის კვარცხლბეკზე არ ასულა და დვალიშვილის მიერ მოპოვებული ვერცხლის მედალი ისტორიულია. დღესვე საჭიდაო სამბოში ქართული დელეგაციის წევრებმა მონაგარს კიდევ 3 ბრინჯაოს მედალი შემატეს.

მესამე საპრიზო კატეგორიის მედლებს 80 კილოგრამ წონით კატეგორიაში ელენე ქებაძე, 82 კილოგრამ წონით კატეგორიაში ბექა ბერულავა, ხოლო 100 კილოგრამ წონით კატეგორიაში ბექა ბერძენიშვილი დაეუფლნენ. საერთო ჯამში კი საქართველოს ნაკრებმა 1 ოქროს, 5 ვერცხლის და 5 ბრინჯაოს მედალი მოიპოვა და გუნდურ ჩათვლაში მეორე პოზიციაზე განთავსდა, პირველ ადგილზე კი რუსეთი გავიდა.

0.153478