ფეხბურთი

19:56 | 3.11.2019 | ნანახია [] - ჯერ

რასისტული შეძახილების გამო მარიო ბალოტელიმ ქომაგებს ბურთი ესროლა და თამაში შეწყვიტა (+VIDEO)

მარიო ბალოტელიმ სერია A-ს მე-11 ტურში „ვერონა“ – „ბრეშას“ შეხვედრაში თამაში თვითნებურად შეწყვიტა. სუპერმარიოს „სტადიო ბენტეგოდიზე“ შეკრებილი პუბლიკა მატჩის დაწყებიდან რასისტული სახის შეურაცხყოფას აყენებდნენ, რაც იტალიელმა ვერ მოითმინა.

54-ე წუთზე ქომაგთა მორიგი აგრესიის დროს ბალოტელმ ბურთი ხელში აიღო, შემდეგ იმ ტრიბუბისკენ დაარტყა, საიდანაც შეძახილები ისმოდა და მოედანი დატოვა.

თამაში მცირე ხნით შეწყდა, ფეხბურთელები კი, მარიოს მოედანზე დაბრუნებას ურჩევდნენ. სტადიონის დიქტორმა თავის მხრივ ქომაგებს დამშვიდებისკენ მოუწოდა და ამის შემდეგ ბალოტელი მოედანს დაუბრუნდა.

სხვათა შორის, იტალიელმა თავდამსხმელმა „ბრეშას“ მაისურით მეორე გოლი ამ შეხვედრაში გაიტანა 85-ე წუთზე, მაგრამ მისი გუნდი მორიგი მარცხისგან ვერ გადაარჩინა (1:2).

სტატისტიკა
0.221622