ფეხბურთი

2:27 | 28.10.2019 | ნანახია [] - ჯერ

"გლადბახი" ლიდერია, "ვოლფსბურგი" - დაუმარცხებელი

გერმანიის ბუნდესლიგის მეცხრე ტურის შემდეგ მიონხენგლადბახის „ბორუსია“ ერთპიროვნულად გალიდერდა. შავ-თეთრებმა ტურის დასკვნით მატჩში ფრანკფურტის „აინტრახტს“ უმასპინძლეს და 4:2 გაიმარჯვეს.

მარკო როზეს გუნდმა სოლიდური უპირატესობა პირველივე ტაიმში მოიპოვა. მარკუს ტურამმა და ოსკარ ვენდტმა „გლადბახს“ ტაიმი 2:0 მოაგებინეს და ეს უპირატესობა ბოლომდე შეინარჩუნა.

მეორე ნახევარში „აინტრახტმა“ გაიბრძოლა, ორი გოლიც გაიტანა, მაგრამ კიდევ ორი გაუშვა და საბოლოოდ უქულოდ დარჩა. „ბორუსია“ კი 19 ქულით ლიდერია და ყველას ზემოდან დაჰყურებს.

აქამდე ლიდერის სტატუსი „ვოლფსბურგსაც“ ჰქონდა, მაგრამ „მგლებმა“ შინ „აუგსბურგს“ ვერაფერი დააკლდეს და უგოლო ფრეს დასჯერდნენ. თუმცა, ოლივერ გლასნერის გუნდის სანაქებოდ უნდა ვთქვათ, რომ 9 ტურის თავზე ბუნდესლიგაში ერთადერთია, რომელსაც ჯერ მარცხი არ განუცდია.

„ვოლფსბურგი“ – „აუგსბურგი“ 0:0 (0:0)

„გლადბახი“ – „აინტრახტი“ 4:2 (2:0)

გოლები: 1:0 ტურამი (28), 2:0 ვენდტი (45), 2:1 და კოსტა (59), 3:1 ელვედი (75), 3:2 ჰინტერეგერი (79), 4:2 ზაკარია (85)

თეგებიბუნდესლიგა
სტატისტიკა
0.340758