ფეხბურთი

23:49 | 23.10.2019 | ნანახია [] - ჯერ

დომენიკო ბერარდი "სასუოლოს" ერთგულია

იტალიურმა „სასუოლომ“ დომენიკო ბერარდის ახალი კონტრაქტი გაუფორმა. როგორც „ნეროვერდის“ ვებგვერდი იტყობინება, იტალიელი შემტევი „მაპეი სთედიუმზე“ 2024 წლის ზაფხულამდე დარჩება.

„საფეხბურთო კლუბი „სასუოლო“ იტყობინება, რომ დომენიკო ბერარდისთან მოქმედი ხელშეკრულება 2024 წლის 30 ივნისამდე გაფორმდა“, - ნათქვამია ოფიციალურ განცხადებაში.

ბერარდი „სასუოლოს“ აკადემიის აღზრდილია და მთავარ გუნდში 2012 წლიდან თამაშობს. 2013-2014 წლების სეზონში, როდესაც 19 წლის იყო, ნამდვილი ფურორი მოახდინა და სერია A-ს 29 მატჩში (პირველ სეზონში უმაღლეს დივიზიონში) 29 მატჩში 16 გოლი გაიტანა. შედეგიანი იყო მომდევნო სეზონშიც (15 გოლი), მაგრამ მას შემდეგ განვითარება სათანადოდ ვერ გააგრძელა.

თუმცა, მიმდინარე სეზონი ისევ წარმატებით დაიწყო და ამ დროისთვის 6 თამაშში 6 გოლი აქვს გატანილი. მთლიანობაში „სასუოლოს“ რიგებში 236 შეხვედრაში 80 გოლი გაიტანა (სერია A-ში 197 თამაში, 69 გოლი). დომენიკოს იტალიის ნაკრებში 5-ჯერ უთამაშია და გოლი არ გაუტანია.

სტატისტიკა
0.284809