ფეხბურთი

20:15 | 8.10.2019 | ნანახია [] - ჯერ

გმირობა ლიგა 3-ში: ხობის "კოლხეთის" ფეხბურთელმა მეტოქე სიკვდილისგან იხსნა! (+VIDEO)

ხობის „კოლხეთის“ კაპიტანმა გიორგი გოგენიამ ტყიბულის „მეშახტის“ ფეხბურთელი სიკვდილს გადაარჩინა. როგორც იმერული გუნდის ვებგვერდი იტყობინება, საქართველოს ეროვნული ლიგა 3-ის შეხვედრაში ხობელთა კაპიტანმა გმირული საქციელი ჩაიდინა.

პირველ ტაიმში საჰაერო ორთაბრძოლის შედეგად ზურა გელაშვილმა და ირაკლი ჭანკვეტაძემ მძიმე ტრავმები მიიღეს.

გელაშვილმა შეჯახებისთანავე გონება დაკარგა, რასაც მოედნაზე პანიკა მოჰყვა. ამ დროს კი, დროულად საქმეში გოგენია ჩაერთო, რომელმაც სიტუაცია ცივი გონებით შეაფასა და „მეშახტის“ ფეხბურთელის სიცოცხლე საკუთარი ხელით გადაარჩინა. პირველადი დახმარების აღმოჩენის რამდენიმე წამით დაგვიანებასაც კი ყველაფრის ფატალურად დასრულება შეეძლო.

საფეხბურთ კლუბი „მეშახტე“ სრული შემადგენლობითა და გულშემატკივართა სახელით „კოლხეთის“ კაპიტანს მადლობას უხდის.

უშუალოდ შეხვედრას რაც შეეხება, ტყიბულელებმა მეტოქეს ადვილად, 3:0 მოუგეს, ანგარიში კი, სწორედ გელაშვილმა გახსნა.

0.150916