ფეხბურთი

21:52 | 6.10.2019 | ნანახია [] - ჯერ

საბა ლობჟანიძის საგოლე პასი დანიაში (+VIDEO)

დანიის სუპერლიგაში ამჯერად გოლი ვერ გაიტანა, მაგრამ საგოლე პასი შეასრულა საბა ლობჟანიძემ. „რანდერმა“ მე-12 ტურში „ორჰუსს“ უმასპინძლა და 2:0 აჯობა, რითაც ზედიზედ მე-5 გამარჯვება მოიპოვა.

საბამ მოედანზე 90 წუთი გაატარა და 87-ე წუთზე ალჰაჯი კამარას გატანაში დაეხმარა. „რანდერსის“ სწრაფი კონტრშეტევის შემდეგ ლობჟანიძემ სიერა ლეონელ თანაგუნდელს დროული და ზუსტი პასი გაუკეთა, მეკარეს შეატოვა და მანაც გარჯა დაუფასა (ლობჟანიძის საგოლე პასი ვიდეოში იხილეთ 01:40 წუთიდან - რედ).

ლობჟანიძეს სუპერლიგის მიმდინარე სეზონში ჩატარებულ 12 მატჩში 6 გოლი აქვს გატანილი და ორჯერ საგოლე პასი ჩაიწერა აქტივში.

„რანდერსი“ 12 ტურის თავზე 20 ქულით მესამე პოზიციაზეა და მხოლოდ „მიდტიულანდსა“ და „კოპენჰაგენს“ ჩამორჩება.

0.137727