ფეხბურთი

20:57 | 6.10.2019 | ნანახია [] - ჯერ

ეფექტური კომბინაცია და ბაჩანა არაბულის მორიგი გოლი საბერძნეთში (+VIDEO)

საბერძნეთის სუპერლიგის მეექვსე ტურში თავის გამოჩენა ბაჩანა არაბულმა მოახერხა. ქართველი ფეხბურთელის „პანიონიოსი“ „ოფი კრეტას“ ესტუმრა და 1:4 განადგურდა.

მე-9 წუთზე ანგარიში სწორედ ქართველმა ფეხბურთელმა გახსნა და საკუთარი გუნდი დააწინაურა. არაბულმა მოედნის ცენტრში თანაგუნდელთან დიდებული კომბინაცია გაითამაშა და მეკარესთან პირისპირ დარჩენილმა შანსი ხელიდან არ გაუშვა. მაგრამ შემდეგ მასპინძლები დიდ უპირატესობა დაეუფლნენ და გამარჯვება ადვილად მოიპოვეს.

არაბულმა საბერძნეთის ჩემპიონატის მიმდინარე სეზონში ექვსივე შეხვედრაში მიიღო მონაწილეობა, სამი გოლი გაიტანა და ერთხელ საგოლე პასიც შეასრულა.

„პანიონიოსი“ კი 6 ტურის შემდეგ -2 ქულით ბოლო ადგილზეა. წესით, 4 ქულა უნდა ჰქონდეს, მაგრამ სეზონის წინ 6 ქულა დააკლეს და „ვალი“ ჯერ კიდევ არ გაუსტუმრებია.

0.135243