ფეხბურთი

1:10 | 28.09.2019 | ნანახია [] - ჯერ

ზიდანი: "აზარისგან ყველა უფრო მეტს ელოდება"

მადრიდის „რეალის“ მთავარ მწვრთნელ ზინედინ ზიდანს ედენ აზარის შესაძლებლობებში ეჭვი არ ეპარება. ფრანგი სპეციალისტის განცხადებით, ბელგიელისგან ყველა უფრო მეტს ელოდება და ედენიც მალე ჩვეულად ათამაშდება. აღნიშნული განცხადება ზიდანმა მადრიდული დერბის წინ გააკეთა.

„კარგად ვიცნობთ ფეხბურთელებს, რომლებიც გვყავს, ნებისმიერ მომენტში შეუძლია პასუხის გაცემა. ვიცით, რომ აზარისგან ყველა მეტს ელოდება და ეს თავადაც იცის.

მაგრამ, ჩვენ მასთან ვართ და ის ჩვენთანაა. თამაშიდან თამაშამდე ის ფეხბურთელი გახდება, რომელიც ჩვენ გვინდა. დერბი მისთვის შეიძლება გარდამტეხი იყოს? ამ ტიპის ფეხბურთელები ყოველთვის მზად არიან ასეთი ტიპის თამაშებისთვის. მე მასში ეჭვი ერთი წუთიცაც არ მეპარება“, - თქვა ზიდანმა.

შეგახსენებთ, აზარი „რეალში“ გასულ ზაფხულს გადავიდა და სეზონის საწყისი ეტაპი ტრავმის გამო გაუცდა. „სამეფო კლუბის“ ღირსება ბელგიელმა სამჯერ დაიცვა და ჯერჯერობით გოლი არ გაუტანია.

„ატლეტიკოსა“ და „რეალის“ შეხვედრა კი დღეს თბილისის დროით 23:00 საათზე დაიწყება. „ბლანკოსი“ 6 ტურის შემდეგ 14 ქულით ლიდერია, ხოლო „როხიბლანკო“ 13 ქულით მესამე საფეხურზეა.

სტატისტიკა
0.263306