სხვა

14:07 | 14.09.2019 | ნანახია [] - ჯერ

ტოჩინოშინი კვლავ დამარცხდა და ოძეკის ტიტულის დაკარგვას მიუახლოვდა (+VIDEO)

აკი ბაშოს მეშვიდე საშეჯიბრო დღეს კვლავ წარუმატებლად იასპარეზა ლევან გორგაძემ. საერთოდაც ქართველი სუმოისტები მიმდინარე სუპერტურნირზე ცუდ ფორმაში არიან და დღეს საკუთარი ორთაბრძოლები ორივე მათგანმა დათმეს.

ტოჩინოშინი მესამე მაეგაშირა დაიეიშოს დაუპირისპირდა და ოშიდაშის ილეთით დამარცხდა. ჩვენებური მეტოქემ აშკარად დაჯაბნა და ადვილი გამარჯვება მოიპოვა. ეს აღნიშნული წყვილის მე-9 დაპირისპირება გახლდათ და ამ მხრივ მოგება წაგების ბალანსი ჩვენებურის სასარგებლოდ 6:3-ზეა.

ტოჩის მიმდინარე ბაშოზე 2 მოგების წილ ხუთი წაგება აქვს და დადებითი ბალანსის გასანაღდებლად დარჩენილი 8 ორთაბრძოლიდან მინიმუმ 6 გამარჯვება მართებს, რაც ძალიან რთული იქნება. ჩვენებური მუხლის ტრავმით ასპარეზობს და დიდი ალბათობით ოძეკის ტიტულს დაკარგავს და მისი დაბრუნება მომდევნო ბაშოზე მოუწევს, ამ შემთხვევაში მას მინიმუმ 10 ორთაბრძოლის მოგება მართებს.

გორგაძის მომდევნო მეტოქე მეოთხე მაეგაშირა შოდაი იქნება. ქართველი მას აქამდე 14-ჯერ შეხვედრილა და 6-ჯერ მოუგო, 8-ჯერ კი დამარცხდა. თავად შოდაის კი შემოდგომის სუპერტურნირზე ტოჩის მსგავსად 2 მოგების წილ 5 მარცხი აქვს.

0.12052