სხვა

13:16 | 11.09.2019 | ნანახია [] - ჯერ

ტოჩინოშინს მსაჯებმა წესების დარღვევის გამო მესამე მარცხი ჩაუთვალეს (+VIDEO)

აკი ბაშოს მეოთხე საშეჯიბრო დღე კვლავ წარუმატებელი გამოდგა ქართველი სუმოისტებისთვის. ტოჩინოშინი წლის მეხუთე სუპერტურნირზე აბის დაუპირისპირდა და მესამე მარცხი განიცადა.

ტოჩიმ აბის დოჰიოდან გადაგდება მოახერხა, თუმცა მსაჯების გადაწყვეტილებით, ეს ყველაფერი წესების დარღვევით მოხდა. ჩვენებურმა მეტოქეს თმაში მოქაჩა და დოჰიოდან ისე გადააგდო, რის გამოც ტოჩინოშინს წაგება ჩაუთვალეს.

ეს აღნიშნული წყვილის მე-6 დაპირისპირება გახლდათ და ამ მხრივ მოგება წაგების ბალანსი გათანაბრდა - 3:3. შეგახსენებთ, რომ შემოდგომის სუპერტურნირზე ჩვენებური მუხლის ტრავმით ასპარეზობს და საწყის 4 შეხვედრაში მხოლოდ 1 გამარჯვება მოიპოვა.

ტოჩის ოძეკის ტიტულის შესანარჩუნებლად დარჩენილი 11 ორთაბრძოლიდან მინიმუმ 7-ის მოგება მართებს, წინააღმდეგ შემთხვევაში ის პრესტიჟულ ტიტულს დაკარგავს.

ტოჩინოშინოს მომდევნო მეტოქე მესამე მაეგაშირა ტომოკაძე იქნება, რომელსაც მიმდინარე ბაშოზე 2 მოგების წილ 2 მარცხი აქვს. რაც შეეხება ურთიერთშეხვედრებს, ეს მათი პირველი დაპირისპირება იქნება.

0.15036