სხვა

13:10 | 9.09.2019 | ნანახია [] - ჯერ

ტოჩინოშინი კვლავ დამარცხდა (+VIDEO)

აკი ბაშოს მეორე საშეჯიბრო დღეს კვლავ მოუგებლად ასპარეზობს ლევან გორგაძე. ტოჩინოშინის მეტოქე დასავლეთის მე-2 მაეგაშირა ასანოიამა იყო, რომელთან გამკლავებაც ჩვენებურმა ვერ მოახერხა.

იაპონელმა ვარსკვლავმა ფეხის ტრავმით მოასპარეზე ტოჩის დამარცხება იორიკირის ილეთით შეძლო და წლის მეხუთე სუპერტურნირზე მეორე გამარჯვება მოიპოვა.

აღნიშნული წყვილი ერთმანეთს მეექვსედ დაუპირისპირდა და ამ მხრივ მოგება-წაგების ბალანსი იაპონელმა ისევ გაზარდა. 4:2 - არადა ლევანს გამარჯვების შეთხვევაში ბალანსის გათანაბრება შეეძლო.

მიმდინარე ბაშოზე ტოჩის დადებითი ბალანსის დაფიქსირება სჭირდება, ამისთვის დარჩენილი 13 ორთაბრძოლიდან მინიმუმ 8 მოგება მართებს, წინააღმდეგ შემთხვევაში ოძეკის პრესტიჟულ ტიტულს დაკარგავს და მისი დაცვა ხელახლა მოუწევს.

ქართველი სუმოისტის მომდევნო მეტოქე კი ჰოკოტოფუჯი იქნება, რომელიც დღეს კაკურიუსთან ჰატაკიკომის ილეთით დამარცხდა და მიმდინარე ბაშოზე 1 მოგების წილ 1 მარცხი აქვს.

ჩვენებურთან ურთიერთშეხვედრებში კი ბალანსი თანაბარია 3:3. აღსანიშნავია, რომ ბოლო 2 ორთაბრძოლა ტოჩინოშინის გამარჯვებით დასრულდა.

რაც შეეხება სხვა ლიდერებს: მეორე საშეჯიბრო დღის მედგომ წაუგებლად 11 სუმოისტი ასპარეზობს: კაკურიუ, ტამავაში, ოკინოუმი, იოტაკაიამა, გოეიდო, ტაკაკეიშო, ასანოიამა, მიოგირიუ, ენჰო, ნიშიკიგი, აზუმარიუ. ჰაკუჰო კი ტრავმის გამო აკო ბაშოდან მოეხსნა და მის დღევანდელ მეტოქე აბის ავტომატურად მოგება ჩაეთვალა.

0.114848