ჩოგბურთი

11:27 | 9.09.2019 | ნანახია [] - ჯერ

ნადალმა მე-19 დიდი სლემის ტურნირი მოიგო

US OPEN-ის ფინალში რაფაელ ნადალმა რუსი დანილ მედვედევი 7:5, 6:3, 5:7, 4:6, 6:4 დაამარცხა და კარირაში ამერიკის ღია პირველობა მეოთხედ და დიდი სლემის ტუნირი მეცხრამეტედ მოიგო. რაფა ფედერერს მხოლოდ ერთი სლემით ჩამორჩება. შეხვედრა ხუთ საათს გაგრძელდა.

მედვედევმა მოულოდნელად რაფას ყველა სეტში დიდი ბრძოლა გაუმართა. პირველი ორი სეტის მოგების შემდეგ მესამე პარტიაში ნადალი ბრეიკით 3:2 დაწინაურდა და თითქოს ყველაფერი გადაწყვეტილი იყო, თუმცა რუსმა ჯერ უკუბრეიკი შეასრულა და შემდეგ 6:5-ზე მეტოქის ჩაწოდება მოიგო და დიდი სლემის ფინალში პირველად პირველი სეტი მოიგო. მეოთხე პარტიაშიც სეტის მიწურულს ბრეიკი შეასრულა და სეტებში 2:2 გახადა. ბოლო სეტში ესპანელი უფრო მობილიზებული იყო. მედვედევს კი ასეთი დრონის შეხვედრის მოსაგებად გამოცდილებაც არ ეყო.

ნადალმა ამ გამარჯვებით 3.8 მილიონი ამერიკული დოლარი და 2000 სარეიტინგო ქულა მიიღო, ხოლო მედვედევმა 1.9 მილიონი დოლარი და 1200 ქულა.

0.141091