არგენტინის ეროვნული ნაკრების და "ტოტენჰემის" ახალწვეულმა ჯოვანი ლოჩელსომ ჩილესთან გამართულ (0:0) ამხანაგურ მატჩში საზარდულის დაზიანება მიიღო. აღნიშნული ფაქტი არგენტინის ნაკრების ტვიტერის გვერდმა დაადასტურა, თუმცა თავად ფეხბურთელმა მატჩის შემდეგ განაცხადა, რომ საშიში არაფერია და მწყობრშია.
ლო ჩელსო გასულ სეზონში პსჟ-დან "ბეტისში' იყო განათხოვრებული. მიმდინარე წელს ესპანელებმა ფეხბურთელი გამოისყიდეს და "ტოტენჰემში" იჯარის წესით გაუშვეს. არგენტინელმა "მამლების" მაისურით სამ შეხვედრაში მიიღო მონაწილეობა, თუმცა თავი ვერაფრით გამოიჩინა.
