ფეხბურთი

2:35 | 18.07.2019 | ნანახია [] - ჯერ

"ნიუკასლი" ქვილითაიას ყოფილ თანაგუნდელში სარეკორდო თანხას იხდის

გერმანული „ჰოფენჰაიმის“ თავდამსხმელი ჟოელინტონი „ნიუკასლ იუნაიტედში“ გადადის. Bild-ის ინფორმაციით, ყველაფერი გადაწყვეტილია და ტრანსფერი უახლოეს მომავალში ოფიციალურად დადასტურდება.

22 წლის ბრაზილიელის სანაცვლოდ „ნიუკასლი“ 55 მილიონ ევროს გადაიხდის და „კაჭკაჭების“ ისტორიაში ყველაზე ძვირადღირებული შენაძენი გახდება.

ჟოელინტონი „ჰოფენჰაიმმა“ 2015 წელს „რესიფედან“ სულ რაღაც 2.2 მილიონ ევროდ შეიძინა, 4 წლის თავზე კი როგორც უკვე ვთქვით, 55 მილიონად ყიდის. „ჰოფენჰაიმის“ რიგებში გასულ სეზონში სამხრეთ ამერიკელმა 33 თამაში ჩაატარა და 11 გოლი გაიტანა. „სოფლელებს“ ჟოელინტონი 2016-2018 წლებში ვენის „რაპიდში“ ჰყავდათ განათხოვრებული და 2016-2017 წლების სეზონში სწორედ ასვტრიული გუნდის რიგებში გიორგი ქვილითაიას მეწყვილე იყო შეტევის ხაზში...

აქვე გეტყვით, რომ „ნიუკასლის“ ისტორიაში დღემდე ყველაზე ძვირადღირებული ფეხბურთელი მაიკლ ოუენი გახლავთ, რომლის სანაცვლოდ 2005 წელს მადრიდის „რეალმა“ 24 მილიონი ევრო მიიღო.

0.122878