ჭადრაკი

22:20 | 14.06.2019 | ნანახია [] - ჯერ

ძაგნიძემ მე-4 ტურის შემდეგ პირველად იმარჯვა

რუსეთის ქალაქ ყაზანში მიმდინარე პრეტენდენტთა ტურნირის მე-12 ტურში საქართველოს ქალ მოჭადრაკეთა ნაკრების ლიდერმა ნანა ძაგნიძემ (2510) თეთრი ფიგურებით რუსი ალეკსანდრა კოსტენიუკი (2546) დაამარცხა.

საინტერესოა, რომ ნანასთვის ეს, მე-4 ტურის შემდეგ პირველი გამარჯვება გახლდათ. შედეგად, ქართველმა მოჭადრაკემ 5.5 ქულა მოაგროვა და 8 მონაწილეს შორის მეოთხე-მეშვიდე ადგილებს ინაწილებს, დამატებითი მაჩვენებლებითჱკი, მეშვიდეა.
ძაგნიძეს ყაზანში 2 პარტია დარჩა გასამართი: 16 ივნისს შავებით შეჯიბრის ერთპიროვნულ ლიდერ ალეკსანდრა გორიაჩკინას (რუსეთი, 2522) ეთამაშება, 17-ში კი – თეთრებით, ეკატერინა ლაჰნოს (რუსეთი, 2554).
ცნობისთვის, ხსენებულმა გორიაჩკინამ უკვე 9.0 ქულა მოაგროვა და პრეტენდენტთა ტურნირის გამარჯვებულის ტიტული ვადაზე ადრე მოიპოვა.
შეგახსენებთ, რომ პლანეტის 8 უძლიერესი ქალი ერთმანეთს ორ წრედ ეჯიბრება, ხოლო საუკეთესოს ანუ გორიაჩკინას მსოფლიოს მოქმედ ჩემპიონ ცზიუ ვენცზიუნთან (ჩინეთი) მატჩში თამაშის უფლება ერგება.
ვთქვათ ისიც, რომ ასპარეზობის საპრიზო ფონდი 200 000 ევროს შეადგენს.

0.18068