პოპულარული უნგრელი ლამაზმანი, მოდელი და მსახიობი კლაუდია კოზმა თავის საქმეში ნამეტანი ტიტულმრავლობით გამოირჩევა და მის მკერდზე არაერთხელ გადაჭერილა წითელი ლენატა, რომელიც საზოგადოებას ამცნობდა, რომ კლაუდია სხვადასხვა დროს “მის ინტერნაციონალად“, “მის უნგრეთად“ და “მის უნივერსად“ იყო დასახელებული.
აქედან გამომდინარე, კლაუდია კოზმას თავის ქვეყანაში არამხოლოდ ლამაზად გავლა-გამოვლა ხელეწიფება და ფეხეწიფება, არამედ სიტყვაც ეთქმის და როგორც ეს ქალბატონი ირწმუნება, ვეტერან რუმინელ ფეხბურთელს, ადრიან მუტუს რამდენჯერმე ქონდა მცდელობა შეხვედროდა და ვნების ალში გაეხვა, მაგრამ კლაუდიამ ყველა ეს შეთავაზება ცივად უარყო.
მიუხედავად ჩვენს მიერ უკვე ხსენებული პოპულარობისა და ტიტულმრავლობისა, კლაუდია კოზმა აქამდე გათხოვილი არასოდეს ყოფილა და თავისუფალი ქალის სტატუსს დღემდე კოხტად ინარჩუნებს. ხოლო, თუ რატომ გააპანღურა ბედოვლათი მუტუ - ამაზე კოზმას ქალი მხოლოდ იმას ამბობს, რომ მუდამჟამს ქალის სარცხვენელზე დაგეშილი მამაკაცების ატანა არა აქვს.
