ფეხბურთი

15:55 | 14.05.2019 | ნანახია [] - ჯერ

დე როსი: "რომაში" დარჩენა მინდოდა, მაგრამ კლუბმა სხვაგვარად გადაწყვიტა"

იტალიური „რომას“ ლეგენდამ დანიელე დე როსიმ პრესკონფერენცია გამართა და ისაუბრა იმ მოტივებზე, რის გამოც მშობლიურ გუნდს ტოვებს.

მოგეხსენებათ, დღეს „ჯალოროსის“ ვებგვერდმა დაადასტურა, რომ სეზონის დასრულების შემდეგ დე როსი გუნდს დატოვებს. როგორც თავად ფეხბურთელმა თქვა, ეს გადაწყვეტილება კლუბის ხელმძღვანელობამ მიიღო.

„36 წლის ვარ და თუ არავინ გთავაზობს ახალი კონტრაქტის გაფორმებას, ასეთი ნაბიჯის გადადგმა გიწევს. მქონდა განცდა, რომ ერთი-ორი წელი კიდევ ვითამაშებდი „რომაში“, მაგრამ ესაა გადაწყვეტილება, რომელიც უნდა მივიღოთ. მე არავის ვადანაშაულებ და არაფერს ვეძებ. ფეხბურთელი ვარ და თამაში მინდა. ახალ გუნდს ვეძებ აგენთან ერთად, რომელიც ჩემთვის სრულიად ახალი იქნება. უნდა დაველაპარაკო ოჯახსაც.

ეს გადაწყვეტილება ხელმძღვანელობამ მიიღო და არა მე. ვწუხვარ, რომ მიმდინარე წელს მათთან ხშირად საუბარი არ მიწევდა. მე ისევ აქ მინდოდა თამაში, თუმცა, მათ იგივე სურვილი არ ჰქონიათ. ეს არის განსხვავებული შეხედულებები, თუმცა, პატივსვცემ და უნდა მივიღო. ყველამ ვიცოდით, რომ კონტრაქტი მეწურებოდა, მონჩი მარწუნებდა ახალ კონტრაქტში, მაგრამ მისი წასვლის შემდეგ არავინ დამლაპარაკებია“, - თქვა დე როსიმ.

შეგახსენებთ, 2006 წლის მსოფლიოს ჩემპიონს „რომას“ გარდა არსად უთამაშია. „ჯალოროსის“ რიგებში დანიელემ 2001-2019 წლებში 614 მატჩში 63 გოლი გაიტანა. „მგლების“ რიგებში იტალიელმა ორჯერ იტალიის თასი, ერთხელ კი იტალიის სუპერთასი მოიგო.

0.111265