ფეხბურთი

0:53 | 25.04.2019 | ნანახია [] - ჯერ

"ლაციო" იტალიის თასის ფინალშია (+VIDEO)

რომის „ლაციო“ იტალიის თასის ფინალშია. სიმონე ინძაგის გუნდმა ორრაუნდიან ნახევარფინალურ დუელში „მილანი“ დაამარცხა.

ამ გუნდთა პირველი დაპირისპირება რომში უგოლოდ დასრულდა და ბუნებრივია, ყველაფერი თავიდან „სან სიროზე“ დაიწყო. „არიწვებისთვის“ ხსენებულ უგოლო ფრეში კარგი ის იყო, რომ „ჯუზეპე მეაცაზე“ არდამარცხების შემთხვევაში ფინალში გავიდოდა.

დამარცხებას ვინ ჩივის, „ლაციომ“ საერთოდაც მოიგო და გადამწყვეტ შეხვედრაში თამაშის უფლება მოიპოვა. გამარჯვების გოლი 58-ე წუთზე ხოაკინ კორეამ გაიტანა და ჯენარო გატუზოს გუნდმა დარჩენილ ნახევარ საათში რთული მისია, რომელსაც ორი უპასუხო გოლის გატანა ერქვა, ვერ შეასრულა.

შედეგად, „ლაციო“ ფინალშია, რომელიც სხვათა შორის, მისთვის მშობლიურ კედლებში, რომის ოლიმპიურ სტადიონზე გაიმართება. მეტოქე კი ხვალ გაირკვევა „ატალანტასა“ და „ფიორენტინას“ წყვილში. ეს გუნდები ფლორენციაში დაზავდნენ - 3:3.

„მილანი“ – „ლაციო“ 0:1 (0:0)

გოლი: 0:1 კორეა (58)

0.109571