ფეხბურთი

0:20 | 22.04.2019 | ნანახია [] - ჯერ

34 წლის ნანატრი ჩემპიონობა და ათენელთა დამხობილი ჰეგემონია (+VIDEO)

საბერძნეთის 2018-2019 წლების ჩემპიონი სალონიკის პაოკ-ი გახდა. რაზვან ლუჩესკუს გუნდმა სუპერლიგის 29-ე ტურში ქვედა ლიგაში უკვე დაქვეითებულ „ლევადიაკოსს“ 5:0 მოუგო და ნანატრი ჩემპიონის ტიტული გაიფორმა.

ბოლო ტურის წინ პაოკ-ს 77 ქულა აქვს, ხოლო უახლოეს მდევარ „ოლიმპიაკოსს“ 72, რაც იმას ნიშნავს, რომ მისთვის მიუწვდომელი გახდა. სხვათა შორის, სალონიკელები მთელი სეზონი განმავლობაში არ დამარცხებულან - 29 მატჩი, 25 მოგება, 4 ფრე, 0 წაგება.

პაოკ-ი ბერძნული ფეხბურთის მწვერვალზე ისტორიაში მესამედ ავიდა, ხოლო 1984-1985 წლების სეზონის შემდეგ პირველად გახდა ჩემპიონი. საერთოდაც, 1988 წლის შემდეგ საბერძნეთის ჩემპიონი არ იქნება „ოლიმპიაკოსი“, „პანათინაიკოსი“ ან აეკ-ი. აქამდე, სწორედ ეს სამი ათენური გუნდი ინაწილებდა ოქროს მედლებს. ბარემ იმასაც გეტყვით, რომ ბოლო გუნდი, რომელიც პაოკამდე ჩემპიონი გახდა და დედაქალაქს არ წარმოადგენდა, ლარისას აელ-ი იყო (1988 წელს).

ერთი საინტერესო დეტალიც: პაოკ-ი ესოდენ დიდ გამარჯვებამდე რუმინელმა სპეციალისტმა რაზვან ლუჩესკუმ მიიყვანა, რომელიც ფართო საზოგადოებისთვის დიდად ნაცნობი სპეციალისტი არაა. რაზვანი ცნობილი რუმინელი მწვრთნელის, მირჩა ლუჩესკუს ვაჟი გახლავთ.

0.153138