ფეხბურთი

23:45 | 21.04.2019 | ნანახია [] - ჯერ

ვერცხლის სინის საკითხი ისევ ღიაა

გერმანიიის ბუნდესლიგაში საჩემპიონო რბოლა გრძელდება. 30-ე ტურში „ბაიერნის“ გამარჯვებას საკადრისად უპასუხა დორტმუნდის „ბორუსიამ“ და სეზონის დასრულებამდე 4 ტურით ადრე 1-ქულიანი სხვაობა შენარჩუნდა.

ეს კი, ლოგიკურია, ნეიტრალური ქომაგებისთვის მაინც კარგი ამბავია და ეს იმას ნიშნავს, რომ „ვერცხლის სინის“ ბედი ჯერაც გაურკვეველია.

ლუსიენ ფავრის გუნდი ფრაიბურგში ჩავიდა და მარტივად გაისეირნა - 4:0 იმარჯვა. მასპინძლებმა „ყვითლებს“ მეტ-ნაკლები წინააღმდეგობა ოდენ პირველ ტაიმში გაუწიეს, როდესაც ჯეიდონ სანჩოს გოლი ერთადერთი გამოდგა, მაგრამ მეორე ნახევარში „დორტმუნდმა“ მეტოქე აღარ დაინდო.

შედეგად, „ბორუსიას“ აქტივში 69 ქულაა და ერთით მეტი აქვს „ბაიერნს“. რა თქმა უნდა, „რეკორდმაისტერი“ ფავორიტია, მაგრამ ერთი ფეხის დაცდენა და ვითარება რადიკალურად შეიცვლება. ვნახოთ, წინ მეტად საინტერესო ოთხი ტური გველოდება.

„ფრაიბურგი“ – „დორტმუნდი“ 0:4 (0:1)

გოლები: 0:1 სანჩო (12), 0:2 როისი (54), 0::3 გიოტცე (79), 0:4 პაკო ალკასერი (87)

„ჰერტა“ – „ჰანოვერი“ 0:0 (0:0)

თეგებიბუნდესლიგა
0.138812