ფეხბურთი

2:01 | 16.04.2019 | ნანახია [] - ჯერ

სუპერ დრაგოვსკი - "ემპოლის" მეკარის საოცარი მატჩი და რეკორდი სერია A-ში

იტალიის სერია A-ს 32-ე ტური ბერგამოს „ატალანტასა“ და „ემპოლის“ მატჩით დასრულდა, რომელშიც გოლი არ გასულა. ამაში კი დამნაშავე მხოლოდ და მხოლოდ ერთი ადამიანია - სტუმართა კარის დარაჯი ბართოლომეი დრაგოვსკი.

„ატალანტა“, რომელიც ჩემპიონთა ლიგაზე გასასვლელად იბრძვის, უდიდეს სათამაშო უპირატესობას ფლობდა და კარისკენ 32-ჯერ დაარტყა, ხოლო უშუალოდ კარის ჩარჩოში 17(!)-ჯერ. „ემპოლის“ 21 წლის პოლონელმა მეკარემ კი მიუხედავად ასეთი შთამბეჭდავი ციფრებისა, საკუთარი კარი მშრალად შეინახა.

Opta-ს ინფორმაციით, 2004-2005 წლების სეზონიდან მოყოლებული სერია A-ში არცერთ მეკარეს ერთ თამაშში 17 სეივი არ ჰქონია. 2004 წლიდან მხოლოდ იმიტომ, რომ სტატისტიკის წყარო Opta სწორედ ამ პერიოდიდან ითვლის შედეგებს.

მოკლედ, ახალგაზრდა პოლონელს, რომელიც „ფიორენტინას“ საკუთრებაა, დაუვიწყარი საღამო ჰქონდა.

ცნობისთვის, „ემპოლის“ რიგებში, რომელსაც 29 ქულა აქვს და ისევ გასავარდნ ზონაშია, 90 წუთი სათადარიგო სკამზე იყო ლევან მჭედლიძე. „ატალანტას“ კი ორი ქულის დაკარგვა ძვირად დაუჯდა და მეოთხეადგილოსან „მილანს“ ჩამორჩა.

Loading...
სტატისტიკა
0.274251