ფეხბურთი

22:59 | 3.04.2019 | ნანახია [] - ჯერ

"ბაიერნი" ბეწვის ხიდზე: 5:4 II ბუნდესლიგის ბინადართან (+VIDEO)

მიუნხენის „ბაიერნი“ დიდ სირცხვილს გადაურჩა. მიმდინარე სეზონში „რეკორდმაისტერი“ და ზემოხსენებული სიტყვა ერთმანეთისთვის უცხონი სულაც არ არიან, მაგრამ გერმანიის თასის მეოთხედფინალში ნიკო კოვაჩის გუნდმა მართლაც ბეწვის ხიდზე გაიარა.

„ალაინც არენაზე“ მოკრძალებული, ქვედა ლიგელი „ჰაიდენჰაიმი“ ჩავიდა და ისტორიის დასაწერად მცირედი დააკლდა. არადა, მე-12-ე წუთზე ლეონ გორეცკამ თავისიანები დააწინაურა და თითქოს ყველაფერი რიგზე იყო. თუმცა, ეს ერთი შეხედვით. გოლიდან სამ წუთში ნიკლას ზულე გააძევეს და აქედან მოყოლებული „ჰაიდენჰაიმისთვის“ შეუძლებელი არაფერი ყოფილა.

პირველივე ტაიმში, გლაცელმა და შნატერერმა სტუმრები დააწინაურეს. სტუმართათვის კოშმარული მეორე ტაიმის 12-წუთიანი ინტერვალი გამოდგა, როდესაც ტომას მიულერმა, რობერტ ლევანდოვსკიმ და სერჟ გნაბრიმ სამჯერ გაიტანეს და თითქოს ყველაფერი გაირკვა - 4:2.

თუმცა, ასე არ ფიქრობდა რობერტ გლაცელი, რომელმაც სამწუთიანი მონაკვეთში ორჯერ გაიტანა, ჰეთ-თრიქი მიითვალა, მისთვის ისტორიული ფურცელი დაწერა და ანგარიშიც გაათანაბრა. თუმცა, „ჰაიდენჰაიმმა“ მაინც ვერ გაძლო, 84-ე წუთზე რობერტ ლევანდოვსკიმ პენალტით გამარჯვების გოლი გაიტანა - 5:4.

„ბაიერნმა“ მოიგო, მოიგო უმძიმეს, უდრამატულეს მატჩში და გერმანიის თასის ნახევარფინალში თამაშის უფლება მაინც მოიპოვა.

„ბაიერნი“ – „ჰაიდენჰაიმი“ 5:4 (1:2)

გოლები: 1:0 გორეცკა (12), 1:1 გლაცელი (26), 1:2 შნატერერი (39), 2:2 მიულერი (53), 3:2 ლევანდოვსკი (56), 4:2 გნაბრი (65), 4:3 გლაცელი (74), 4:4 გლაცელი (77, პენ), 5:4 ლევანდოვსკი (84, პენ)

0.119214