ძიუდო

19:10 | 30.03.2019 | ნანახია [] - ჯერ

იაშვილმა და გრიგალაშვილმა თბილისის გრან პრიზე ბრინჯაოს მედლები მოიპოვეს

თბილისში მიმდინარე გრან პრის მე-2 დღეს კვარცხლბეკზე ასვლა ორმა ქართველმა ძიუდოისტმა მოახერხა: ბრინჯაოს მედლები ვალერი იაშვილმა (73 კგ.) და ტატო გრიგალაშვილმა (81 კგ.) მოიპოვეს.

იაშვილმა ბელარუსი დმიტრი მინკუ და უკრაინელი დმიტრო კანივეცი გზიდან იპონებით ჩამოიცილა, რუსი ოლეგ ბაბგოევი კი მსაჯებმა ჰანსუკო-მაკეთი დასაჯეს. ნახევარფინალში ვალერიმ კუბელ მაგდიელ ესტრადასთან იპონითჱწააგო, მე-3 ადგილისთვის კი მონღოლ ოდბაიარ განბაატარს გაეჯიბრა და მსოფლიო რეიტინგის მე-6 ნომერი ვაზარით დაამარცხა.
გრიგალაშვილმა თურქმენი დაიანჩ ომიროვი და რუსი ალან ხუბეცოვი დააიპონა და მეოთხედფინალში მომავალ ფინალისტ – გერმანელ ტიმო კაველიუსთან ვაზარით დაწინაურდა, თუმცა, იპონზე დავარდა. რეპეშაჟში ტატომ თანამემამულე კობა მჭედლიშვილს 3 შიდო მიაღებინა, ხოლო ბრინჯაოს მედლისთვის პაექრობა ფრანგ ალფა ოუმარ ჯალოს მოუგო დამატებით დროში აღებული ვაზარის წყალობით.
ამგვარად, საქართველოს ნაკრების წევრთა აქტივში უკვე 6 მედალია. შეგახსენებთ, რომ გუშინ კვარცხლბეკის უმაღლეს საფეხურზე ასვლა ლუხუმ ჩხვიმიანმა (60 კგ.) მოახერხა, გიორგი თუთაშვილმა (66 კგ.) ვერცხლი აიღო, ბრინჯაოს მედლებს კი ჯაბა პაპინაშვილი (60 კგ.) და ბაგრატ ნინიაშვილი (66 კგ.) დაეუფლნენ.
თბილისის გრან პრი ხვალ დასრულდება, ქართველთაგან კი ტატამზე გიორგი პაპუნაშვილს, ბექა ღვინიაშვილს, ავთანდილ ჭრიკიშვილს, უშანაგი მარგიანს (ყველა – 90 კგ.), ლაშა ტაველურს, გიორგი ბერიაშვილს, ონისე სანებლიძეს, გიორგი ჩიქოვანს (ყველა – 100 კგ.), ონისე ბუღაძეს, გელა ზაალიშვილს, ადამ ოქრუაშვილს, ლევან მატიაშვილსა (ყველა – 100 კგ.) და სოფიო სომხიშვილს (+78 კგ.) ვიხილავთ.

Loading...
0.119027