ძიუდო

1:00 | 10.03.2019 | ნანახია [] - ჯერ

შავდათუაშვილი მაროკოს გრან პრის ვერცხლის მედალოსანია!

საქართველოს ძიუდოისტთა ნაკრების ერთ-ერთი ლიდერი ლაშა შავდათუაშვილი (73 კგ.) მაროკოს ქალაქ მარაკეშში მიმდინარე გრნ პრის ვერცხლის მედლის მფლობელი გახდა.

ლაშა ტურნირში მე-2 რაუნდიდან ჩაება, სადაც ალჟირეკ ფეტჰი ნურინეს ვაზარი დამატებით დროშიღა აართვა, შემდეგ რუმინელი ალექსანდრუ რაიკუ მტკივნეულ ილეთზე დაიჭირა, მეოთხედფინალში გამბიელი ფაიე ნჯიე გოლდენ სქორში დააიპონა, ნახევარფინალში კი ვაზარით ფრანგ გილიომ ჩაინეს აჯობა. შავდათუაშვილის წარმატებული სვლა ფინალში შეწყდა, სადაც ჩვენებურს რუსმა დენის იარცევმა ვაზარი და მალევე იპონი აგემა.

საინტერესოა, რომ მეოთხედფინალში იმავე იარცევმა გადაუღობა გზა ფრიდონ გიგანს. ქართველი ძიუდოისტი ორთაბრძოლის დასრულებამდე ნახევარი წუთით ადრე ვაზარით დაწინაურდა, თუმცა, იქვე შებოჭვაზე მოჰყვა და ხელიდან კარგი შანსი გაუშვა. მანამდე, გიგანმა შვეიცარიელ ტიმო ალემანს 3 შიდო მიაღებინა, ყაზახი ჟანსაი სმაგულოვი ულამაზეს იპონზე დასცა, დიდი ბრიტანეთის წარმომადგენელი ერიკ ჰემი კი ასევე რეფერის მოახსნევინა 3 გაფრთხილების შემდეგ. რეპეშაჟში ფრიდონი კანადელ ანტუან ბუშარს გაეჯიბრა და 3 შიდო თავად მიიღო.
81 კგ-მდე წონით კატეგორიაში საერთაშორისო ასპარეზს დაბრუნებულმა ნუგზარ ტატალაშვილმა მაროკოელ ზაიდ იასიფსა და ამერიკელ ართურ რაითს 3-3 შიდო აჰკიდა, მერვედფინალში კი მომავალ ვერცხლის მედალოსან – თურქ ვედათ ალბაირაქთან (იგივე ვანო რევაზიშვილი, ყოფილი რომან მუსტოპულოსი) დამატებით დროში ვაზარით დამარცხდა. ამავე წონაში ბექა დონღვანმა პირველივე ორთაბრძოლა 3 გაფრთხილების გამო დათმო ესპანელ ხოსე მარია მენდიოზა იზკუეიტასთან.
შეგახსენებთ, რომ მარაკეშის გრან პრის პირველ დღეს ბრინჯაოს მედლის აღება ამირან პაპინაშვილმა (60 კგ.) მოახერხა, დღეს კი, ტატამზე ერთადერთ ჩვენებურს ვიხილავთ. 90 კგ-მდე წონით კატეგორიაში გიორგი პაპუნაშვილი ბრძოლაში მე-2 წრიდან ჩაერთვება, სადაც შვეიცარიელ სირილ გროსკლაუსს გაეჯიბრება.

Loading...
0.112997