ჭადრაკი

22:38 | 8.03.2019 | ნანახია [] - ჯერ

საქართველოს ჩემპიონატის აღმოსავლეთ ზონის პირველობა დასრულდა

ნონა გაფრინდაშვილის სახელობის თბილისის ჭადრაკის სასახლეში დასრულდა საქართველოს ჩემპიონატის აღმოსავლეთ ზონის (I ლიგა) პირველობა 8, 10 და 12 წლამდე მოჭადრაკეთა შორის.

8 წლამდე გოგონათა შორის უძლიერესი იყო საგარეჯოელი მარიამ აგულაშვილი, რომელმაც ყველა პარტია მოიგო (7). 6 ქულით მეორე ადგილზე გავიდა მარიამ ცაციაშვილი. 4-4 ქულა მოაგროვეს თეკლა ფეიქრიშვილმა და ანა ბუზარიაშვილმა, უკეთესი კოეფიციენტის წყალობით მესამე ადგილი ფეიქრიშვილს ხვდა წილად.

ბიჭებში ასევე ქულათა მაქსიმუმი (7) მოაგროვა თელაველმა ანდრია არუთინოვმა, რომელმაც უახლოეს მეტოქეს - გიორგი რომელაშვილს ქულანახევრით გაუსწრო. 5-5 ქულით მესამე-მეოთხე ადგილები, კოეფიციენტის მიხედვით, შესაბამისად, საბრი ფართლიმ და ალექსი ინაურმა დაიკავეს.

10 წლამდე გოგონათა შორის ყველაზე მეტი - 6 ქულა მოაგროვა მარიამ ჩეჩელაშვილმა, მეორე ადგილზე 5,5 ქულით ანასტასია ზარქუა გავიდა. 4,5-4,5 ქულა მოაგროვეს და შესაბამისად მესამე-მეხუთე ადგილები გაინაწილეს ქეთევან წოწორიამ, ანა კვირიაშვილმა და ნინო გუნიამ.

ბიჭებში აბსოლუტური შედეგი აჩვენა (7-დან 7 ქულა) გიორგი გოგოლაშვილმა. 6-6 ქულა მოაგროვეს თამაზ თუშიშვილმა და სანდრო ორბელაძემ. კოეფიციენტის მიხედვით, მეორე ადგილი თუშიშვილმა დაიკავა, ხოლო მესამე - ორბელაძემ.

12 წლამდე გოგონათა შორის, 6,5 ქულა მოაგროვა და შეჯიბრების გამარჯვებული გახდა ანა ლიმარი. მეორე ადგილზე 6 ქულით ნინო ესაიაშვილი გავიდა, ხოლო მარია ლიმარმა 4,5 ქულით მესამე ადგილი დაიკავა.

ბიჭებში 5,5-5,5 ქულით პირველ-მეორე ადგილები გაიყვეს ზუკა გამრეკელაშვილმა და საბა სეფიშვილმა. უკეთესი კოეფიციენტი გამრეკელაშვილს აღმოაჩნდა. 5-5 ქულით მესამე-მეოთხე ადგილებზე შესაბამისად გავიდნენ გიორგი შამათავა და მარიამ სიჭინავა (ეს უკანასკნელი ბიჭებში ასპარეზობდა).

შეჯიბრების გამარჯვებულებსა და პრიზიორებს სიგელები და საჩუქრები გადასცეს.

აქვე უნდა აღინიშნოს, რომ ტურნირის მიდმდინარეობას პირდაპირ ეთერში აშუქებდა ჭადრაკი ტვ. ეს მართლაც სასიამოვნო სიახლე იყო. ტურნირის გაშუქების პარალელურად, ჭადრაკი ტვ-ს წამყვანი მონაწილეებთან ბლიც-ინტერვიუებსა და ვიქტორინებს აწყობდა, რაც დამატებითი სტიმული იყო ნორჩი მოჭადრაკეებისათვის.

Loading...
0.137766