სხვა

18:45 | 11.02.2019 | ნანახია [] - ჯერ

რიო 2016-ის ვალები გაიზარდა

რიოს ოლიმპიური და პარალიმპური თამაშების ვალის ოდენობა მკვეთრად - სამჯერ და მეტადაც გაიზარდა. ახლახანს გამოქვეყნებული მონაცემებით, რიო-2016-ის ვალი დაახლოებით 113 მილიონ აშშ დოლარამდეა გაზრდილი. აღსანიშნავია, რომ 2016 წლის დეკემბრის მონაცემებით ვალი 32 მილიონ დოლარს შეადგენდა.

რიო-2016-ის ვალების დარეგულირების თხოვნით ბრაზილიის მთავრობას საორგანიზაციო კომიტეტმა მიმართა. 2017 წელს რიო-2016-მა დახმარებისთვის საერთაშორისო ოლიმპიურ კომიტეტსაც (IOC) მიმართა, მაგრამ უარი მიიღო. დავალიანების მეტი წილი მოდის მომწოდებლებზე, მათ შორის იმ კომპანიაზე, რომელიც ორგანიზატორებს თამაშებისთვის თანამედროვე არენების მოწყობაში ეხმარებოდა. სხვა კრედიტორებს შორის არის ბრაზილიის ოლიმპიური კომიტეტიც. მათ შემთხვევაში ვალი 4 მილიონი დოლარია.

რიო დე ჟანეიროს ყოფილმა მერმა ედუარდო პაესმა შარშან განაცხადა, რომ 2016 წლის ოლიმპიურ და პარალიმპურ თამაშებს ქალაქისთვის ვალი არ დაუტოვებია.

ერთი თვის წინ ჩატარებული კვლევის თანახმად, ოლიმპიურმა თამაშებმა რიო დე ჟანეიროს და მისი გარეუბნების ეკონომიკურ მდგომარეობაზე დადებითად იმოქმედა.

www.geonoc.org.ge

0.112224