ჭადრაკი

20:23 | 6.02.2019 | ნანახია [] - ჯერ

ძაგნიძე და ხოტენაშვილი ძალებს პრესტიჟულ ტურნირში სცდიან

დღეიდან, ამერიკის შეერთებული შტატების ქალაქ სენტ-ლუისში სტარტს აიღებს ქალთა უძლიერესი დახურული ტურნირი (Cairns Cup 2019), რომელშიც მონაწილეობას ორი ქართველი დიდოსტატი – ნანა ძაგნიძე (2513) და ბელა ხოტენაშვილი (2491) მიიღებს.

ქალთა რეიტინგ-სიის წამყვანი 10 დიდოსტატი ერთმანეთს წრიული სისტემით დაუპირისპირდება. შეჯიბრი პირველად იმართება და მისი საპრიზო ფონდი 150 000 დოლარს შეადგენს, საიდანაც გამარჯვებულს 40 000 ერგება.

ქართველი მოჭადრაკეების გარდა მონაწილეთა შორის არიან: მსოფლიოს ექს-ჩემპიონი ალექსანდრა კოსტენიუკი (რუსეთი, 2532), ვალენტინა გუნინა (რუსეთი, 2501), ელიზაბეტ პაეტცი (გერმანია, 2466), მარი სებაგი (საფრანგეთი, 2476), დრონავალი ჰარიკა (ინდოეთი, 2471), ჟანსაია აბდუმალიკი (ყაზახეთი, 2468), ირინა კრუში (აშშ, 2435) და ანა ზატონსკიხი (აშშ, 2427).

პარტიები სტარტს თბილისის დროით 22:00 საათზე აიღებს. პირველ ტურში ერთმანეთს დაუპირისპირდებიან: ჰარიკა-სებაგი, ძაგნიძე-კრუში, გუნინა-ხოტენაშვილი, პაეტცი-კოსტენიუკი, ზატონსკიხი-აბდუმალიკი.

0.159836