ჭიდაობა

17:43 | 5.02.2019 | ნანახია [] - ჯერ

აჯანყებული - "ოჯახის“ წინააღმდეგ!

ჯერ კიდევ უხსოვარი დროიდან, ქართული რეალობისთვის ტრადიციული და პოპულარული სპორტული სახეობების წარმომადგენლებს სამართლებრივ ასპექტში როგორც კი გაუჭირდებოდათ, გეგონება ნიშანი მისცესო - მყისვე სიტყვა „ოჯახს“ ახსენებდნენ და...

იწყებოდა: „ოჯახში ყველაფერი ხდება“, „ოჯახში უნდა გაირკვეს“, „ნუ ჩაერევიან ოჯახის შიდა სამზარეულოში“, „ოჯახის წევრები დაალაგებენ“ - ამგვარი და მსგავსი ფრაზები, სხვა რომ აღარაფერი დარჩენოდათ სათქმელი, არაერთხელ გამოუყენებიათ ქართველ სპორტსმენებს (უცნობსაც, ცნობილსაც, ლეგენდარულსაც) და კიდევ არაერთხელ გამოიყენებენ, რითაც პრობლემის მიჩქმალვას და სათავისოდ გადაწყვეტას შეეცდებიან, თუკი ჩვენ, საზოგადოების ჩვეულებრივი წევრები მათ ამ მავნე ჩვევას არ მოვაშლევინებთ.

როგორ უნდა მოვაშლევინოთ? მარტივად: როცა გულით, ტვინითა და მთელი შეგნებით გრძნობ (იცი), რომ ვიღაც (ვინც არ უნდა იყოს, თავის დამსახურებებიანად) იტყუება და მითუმეტეს, საკუთარი თავის გადასარჩენად ვინმეს ჩაგრავს, მას კარისკენ უნდა მიუთითო.

და რა ხდება ახლა ჩვენთან?

მიუხედავად იმისა, რომ მთელმა ქვეყანამ (არამარტო ჭიდაობის ფედერაციამ; ოლიმპიურმა კომიტეტმა, სპორტის სამინისტრომ, სპორტის საპარლამენტო კომისიამ, მას-მედიამ და ა.შ. არამედ მთელმა ქვეყანამ, ფედერაციის პრეზიდენტიანად) იცის, ზურაბ დათუნაშვილი ამ კონკრეტულ ამბავში მართალია, საზოგადოების დიდი ნაწილი მაინც თავს იკატუნებს და თავისუფალ, მოშვებულ რეჟიმში ელის ისეთივე განაჩენს, რომლის მსგავსმაც ბოლო ათწლეულების განმავლობაში ბევრ გავლენიან სპორტულ ფუნქციონერს ბევრი პატიოსანი, მაგრამ გავლენის არმქონე სპორტსმენი დააჩაგვრინა. ამ დაჩაგვრის შედეგად კი, სპორტსმენებს ან ვარჯიშისთვის დაუნებებიათ თავი ან სხვა ქვეყნის სახელი დაუცავთ და მერე ამის გამო ისევ ისინი გვილანძღავს; არადა, ვინ იყო რეალურად სალანძღი, მარტივი მისახვედრია...

ჰოდა, ახლა ანალოგიური ვითარებაა მოჭიდავე ზურაბ დათუნაშვილთან მიმართებაშიც.

ვიმეორებ, მთელმა ქვეყანამ ვნახეთ კადრები, როგორ ურტყამს დათუნაშვილს ფედერაციის პრეზიდენტი გეგა გეგეშიძე. კი ბატონო, გამოძიების დასადგენია, რა მოხდა ამ დაპირისპირებამდე, რა ეკავა ხელში გეგეშიძეს ამ დარტყმის დროს, თუნდაც რომელი მხრიდან მოხდა მეტი პროვოცირება და ა.შ... თუმცა, ის ხომ ყველასთვის გასაგებია, რომ ფედერაციის პრეზიდენტი, რომელიც ფიზიკურ შეურაცხყოფას (და თანაც ძალიან აგრესიულ ფორმებში) აყენებს სპორტსმენს, ყველაზე ცოტა, თანამდებობაზე არ (ვერ) უნდა დარჩეს.

ამის ნაცვლად, დღეს, დაზარალებულ დათუნაშვილს უკვე მერამდენედ უწევს საზოგადოებისადმი მიმართვა და საკითხის შემდეგნაირად დაყენება - ან გეგეშიძე დატოვებს ფედერაციის პრეზიდენტის პოსტს, ან მას მოუწევს სხვა ქვეყნის სახელით ასპარეზობა...

წმინდა სპორტულ მხარეს რომ შევეშვათ, ამ ამბავმა კიდევ უფრო მნიშვნელოვანი საკითხი წარმოშვა, რომელზეც ზევით უკვე ვისაუბრე: ზურაბ დათუნაშვილი თავის ქმედებით ჩვენს საზოგადოებაში მყარად გამჯდარ მოვლენას - ოჯახის სახელით მოსარგებლე გავლენიან ადამიანთა სისტემას, მათ მიერ დამკვიდრებულ ცხოვრების წესს დაუპირისპირდა და ასეთ დაუნდობელ ჯგუფთან დაპირისპირებისას ადამიანს ან ადამიანთა ჯგუფს გადარჩენის ერთადერთი შანსი აქვს, რასაც საზოგადოების გვერდში დგომა ჰქვია.

გასაგებია, რომ მსგავს ვითარებაში, სიტყვა „ოჯახი“ უბრალოდ საზოგადოებრივ აზრზე ფსიქოლოგიური ზემოქმედების იარაღია (თორემ ისე, საერთოდ რა შუაშია - რა ოჯახი?) და ნამდვილი ოჯახისთვის დამახასიათებელ ქმედებებთან ამ დაჯგუფებებს თუ შენაერთებს არაფერი აკავშირებს - მხარდაჭერაც და "მორალური პასუხისმგებლობაც" მხოლოდ იმათ მიმართ გააჩნიათ, ვინც ძლიერია და იმ მომენტში მათ ნაკლებ დისკომფორტს უქმნით.

ყოველივე ზემოთქმულის გათვალისწინებით, აქაც ყველაფერი მარტივად გასაგებია: ამგვარი მწვავე დაპირისპირებისას, თუ აქეთ (ამ შემთხვევაში დათუნაშვილის ანუ ჩაგრულის) მხარეს არ ხარ, ე.ი. ხელს არ უშლი გეგეშიძეს და როგორც არ უნდა შეალამაზო საკუთარი ქმედება, გამოდის, იქით (ანუ მჩაგვრელის მხარეს) ხარ. იქითა „ოჯახის“ წევრად ყოფნის სურვილი კი, პირადად მე არადროს მქონია და არც სხვას ვურჩევ - ძალიან ცუდად მოქმედებს შინაგან სამყაროზე...

მორალურ ასპექტებს რომ მოვეშვათ, უკვე ნახსენებ უწყებათა წევრებს (ჭიდაობის ფედერაციას, ოლიმპიურ კომიტეტს, სპორტის სამინისტროსა და სპორტის საპარლამენტო კომისიას) ურჩევნიათ, დროულად მიხედონ ამ საკითხს და ჩამოყალიბდნენ, რომელ გზას ადგანან - დიდ სპორტსმენობასა და კაცობაზე რომ გაქვს პრეტენზია, შესაბამისადაც უნდა მოიქცე! ჰოდა, მჩაგვრელის გვერდზე დადგომა როდის მერე გახდა ვაჟკაცობა?..

Loading...

კომენტარები (14)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
15:41 | 07.02.2019
Socrates (749)

გეგეშიძეს არ ვამართლებ, მაგრამ ის ნაღდად მართალია როცა დაჭრილი იყო და აშკარად ფორმაში არ იყო ნაღდად მისცეს შანსი და სხვა ამოაგდეს შემადგენლობიდან, მაშინ არ დაიტანჯა სინდისის ქენჯნით. მერე წააგო საქართველო და დაბალ წონაში მომეცით შანსიო, მაშინ სხვის უფლებებზე არ ზრუნავად, სწორედ ამიტომ მგონია რომ მოჭიდავეები არავინ გვერდში არ დაუდგა. ძალიან მიკვირდა ეს ამბავი და ნელ-ნელა ჩნდება ამის მიზეზებიც. გეგეშიძეს კი თავშეკავება უნდა გამოეჩინა, ისე შორიდან ამისი თქმა იოლია, მაგრამ რეალურად უმეტესობას იგივე რეაქცია ექნებოდა შეურაცხოფაზე.

14:37 | 07.02.2019
ინტიმური საუბრები სპორტზე (KORBEN) (14124)

ხალხის აქტიურობა და ცვლილებების მუდმივი სურვილი უკეთესობისკენ, ეს მშვენიერია.
მაგრამ როცა პერმანენტულად აჯვამ ჭაში, რამდენიც არ უნდა ეცადო იქიდან სუფთა წყალს ვერ ამოიღებ.
იმედია გამიგებთ.

15:30 | 07.02.2019
iceman (2200)

კაცურად სულ რომ მართალი იყოს გეგეშიძე და დათუნაშვილი პროვოკატორი ნორმალურ ქვეყანაში მაინც ულაპარაკოდ მოხსნიდნენ გეგეშიძეს, მაგრამ ხომ ყველამ ვიცით რა ქვეყანაში ვართ და რომ უარესებიც ხდება და ხდებოდა წინა ხელისუფლების დროსაც, ხოდა იქნებ ჯობდეს რომ მაინდამაინც გეგეშიძესთან მიმართებაში ნუ გავახელთ თვალებს მაშინ როცა წლებია დახუჭული გვაქვს და შენი თქმისა არ იყოს პერმანენტულად ვ...ავთ ჭაში ყველა სფეროში, მკაცრი საყვედური ვატაკოთ, შევარიგოთ და დავტოვოთ გეგეშიძე პრეზიდენტად რადგან ფაქტია რომ შედეგები გვაქვს და მოჭიდავეებიც პატივს ცემენ.

15:51 | 07.02.2019
ინტიმური საუბრები სპორტზე (KORBEN) (14124)

ეგრეა. უბრალოდ შეგნება რო ჰქონდეს, თვითონვე წავიდოდა პოსტიდან და არც მისი შიში გამართლდებოდა და ქვეყანა არ ჩამოიქცეოდა ( ისედაც ჩამოქცეულია)
დაჟე შეგნება რომ ჰქონოდა, არც პრეზიდენტობაზე უნდა გაქაჩულიყო თავის დროზე. ხომ ყველამ ვიცით რა "დამსახურებების" გამოა მანდ.

16:18 | 07.02.2019
iceman (2200)

ფაქტია რომ თუ გადააყენეს იმის გამო კი არ გადააყენებენ რომ სპორცმენი გალახა ან ფინანსური დარღვევები აქვს, არამედ იმის გამო რომ თავისი ქცევით მთავრობა ჩააგდო უხერხულში და სხვა გზა არ აქვთ

16:19 | 07.02.2019
iceman (2200)

თუმცა ამ მთავრობას ერთი პლუსი მაინც აქვს წინასთან შედარებით რომ რაღაც დონეზე ხალხის ეშინიათ და ამიტომ ანგარიშს უწევენ, თორემ წინას საერთოდ ეკიდა ხალხი

16:33 | 07.02.2019
ინტიმური საუბრები სპორტზე (KORBEN) (14124)

რო ეკიდათ, იმიტომაც არიან ეხლა ოპოზიციაში
ამათ დაკიდების მეთოდები აქვთ დახვეწილი. ვითომ მოინანიებენ, გამოსწორების იმიტაციას შექმნიან და როცა რისხვა გადაივლის, მერე იგივეს აგრძელებენ ისევ

20:27 | 07.02.2019
iceman (2200)

დახვეწილობის კურსები გაატარა ბიძომ ისეთი დატუქსა არჩევნების პირველი ტურის მერე ხოდა შეშინებულები არიან და ცდილობენ ხალხის წინააღმდეგ არ წავიდნენ მაგრამ გეგეშიძის გაწირვისაც ეშინიათ

14:03 | 07.02.2019
miriani (2612)

ფედერაციის პრეზიდენტი რო იმას იტყვის ჩემს გარეშე ჩამოიქცევა და დაინგრევა ჭიდაობაო , აი მაშინ უნდა სთხარო ისეთი პანღური რო კაი ხანს იფრინოს და სად გააკეთებს პასადკას თვითონ ვერ მიხვდეს!!!
ასპროცენტიანია დათუნაშვილი და თუ დღეს დადგება პრეცენდენტი რო ეს ბიჭი გამტყუნდება ამ მაფიოზებთან და ისინი თავისას გაიტანენ, მაშინმართლა ფურთხის ღირსი ვიქნებით და კრინტიც არ დაგვეძვრება გულშემატკივრებს.
და ვინც მერე კიდე ამ ბიჭს დაუწყებს ლანძღვას, როგორც ხდება ხოლმე, თუ სხვა ქვეყნის სახელით გამოვა, მე იმის დდშვცი მართლა რაააა

14:54 | 07.02.2019
ინტიმური საუბრები სპორტზე (KORBEN) (14124)

ხო, თავის ძმაც ეგრე ამბობს - ჩემთვის მივდიოდი კორცხელში სტვენა-სტვენითო. წაბლის საკრეფად გამგზავნესო ანაზდად ნაცებმა ხელი ჩამავლეს და შემაგინესო
ისე, მაინც საინტერესოა დათუნაშვილი რას იტყვის ამაზე.

13:53 | 07.02.2019
Socrates (749)

გეგეშიძის ინტერვიუ

10:32 | 07.02.2019
დასავლეთი (7)

ძალიან დიდი უსამართლობაა და კარგი წერილია... მადლობა გამბედაობისთვის ავტორს და გამოცემას....

23:11 | 06.02.2019
vaxo_5 (134)

გეგეშიძეებს დიდი დამსახურება აქვთ ამ მთავრობის წინ, და რა ვქნათ...

22:25 | 06.02.2019
UXXUCES (83)

საქარტველოს არასდროს ყოლია ისეტი მტავრობა რომელიც სამარტლიანი იქნებოდა ყველლა სფეროში და მგონი არც გვეყოლება მიზეზი უამრავია მაგრამ მტავარი პრობლემა ხალხია ხალხმა უნდა მოიტხოვოს და არა პოლ პარტიებმა ნაც ქოც და ესე შემდეგ ყველა ნაგავია ყველა თავის ტავისტვის იბრდზვის ნაცებმა უამრავი გაამცარა უამრავმა ფული იშოვა ასე რომ მათ ყავს მხარდამჩერები იგივეა ქოცებიც მე არცერტ პარტიას არ ვეკუთვნი ორივე დზულს და აი ზუსტად ჩემნაირებს ნაცები ქოცობას აბრალიან ქოცები ნაცობას და ეს მათ აცყობს ორივეს ...ჩვენ ესეთმა ხალხმა უნდა ვიბრდზოლოტ ესეთი ხალხის მოსაYვანად რომლებიც სცორად მართვას შEდზლებენ და ჩვენ თუ დავიგლებით ამით ამ საქმეს ჩვენს შვილებს დავუტოვებთ გასაკეტებლად ...დიახ Yველგან უნდა გავიდეთ დიახ ყველგან უნდა ვიბრდზოლოთ სადაც უსამართლობას დავინახავთ კორბენ მე ესე ვხედავ ხსნას ....ტორე მთავრობა სულ ისე გააკეთებს როგორც მას აცყობს

17:13 | 06.02.2019
ინტიმური საუბრები სპორტზე (KORBEN) (14124)

გავიდეთ და მოვითხოვოთ გეგეშიძის გადაყენება ? კიდევ სად გავიდეთ, რომელი ძაღლის და მამაძაღლის გადაყენება მოვითხოვოთ, ხომ ვერ მეტყვით ?
სისტემაა უსამართლო, სისტემა ? ბანდას რომელსაც ძალაუფლება უპყრია ხელთ ამ ქვეყანაში, ყველა სტრუქტურაში თავისნაირი სჭირდება სამართავად. ჰოდა ყველგან ეგენი არიან, ფუთფუთებენ, ერთმანეთის უკანალებზე აქვთ ხელები აფარებული.
კურტანიძეზე რომ ამბობდნენ ყველაფერში ერევა და ძალადობსო, ხომ გახსოვთ ? გადადგა და მოვიდა სხვა - შეიცვალა რამე ?
სარალიძის ამბავზე გასულ ზაფხულს უამრავი ადამიანი რომ შეგროვდა რუსთაველზე, ეგეც ხომ გახსოვთ ? გადადგა მთავარი პროკურორი, წამოვიდა დაპირებებიც რომ ყველაფერი გაირკვეოდა. და შედეგი ? დღეს განწირული მამა თავს ურტყამდა რკინის ღობეს, სიკვდილი უნდოდა ამ უსამართლობის შემხედვარეს.
სად მივიდეთ ? ვინ გადავაყენოთ ? რამდენი გადავაყენოთ მე მაგათი დდშვც მართლა !!!

15:38 | 07.02.2019
iceman (2200)

ნამდვილად აქამდე გეგეშიძის გადადგომას ვფიქრობდი მაგრამ მართლა აზრი არ აქვს, 90-იანი წლებიდან მოყოლებული ყველა სფეროში გეგეშიძისნაირები გვყავს სათავეში და ვინც ახალი მოვა ისიც იგივე იქნება. უბრალოდ სხვებისგან განსხვავებით გეგეშიძეს ის პლიუსი მაინც აქვს რომ შედეგი გვაქვს ჭიდაობაში.

13:05 | 06.02.2019
guga4891 (5)

არავითარი ოჯახი არ არსებობს და არც უნდა არსებობდეს სპორტის არცერთ სახეობაში. თავისი ფული რომ ექნებათ და საკუთარი ფულით იარსებებენ, აი ოჯახი მაშინ დაუძახონ. ხოლო სანამ სახელმწიფო ბიუჯეტი ანუ ხალხი აფინანსებს ჭიდაობის ფედერაციას, ეს არის საჯარო სივრცე და იქ არსებული პრობლემა საჯაროდ უნდა განიხილებოდეს და არა რაღაც ე. წ. ოჯახში და ვიწრო წრეში. ამათ ამის გაგება და აზროვნება არ აქვთ. და საერთოდაც ჭიდაობა დღეს მსოფლიოში ყველაზე ბინძური და კორუმპირებული სახეობა გახდა და ეს სიბინძურე საქართველოს შიდა ჩემპიონატებშიც შემოიტანეს. თავის დროზე რუსეთმა გააფუჭა და დააბინძურა ეს სპორტი მასობრივი მოქრთამვით და მოსყიდვით და ეს ჩვენებიც რომ ისევ რუსეთის ჭიდაობის ფედერაციას უძვრებიან, ეს უკვე ამაზრზენია. დღეს ისეთი სიტუაციაა ჭიდაობაში, რომ ადამიანს ძალიან არ უნდა უყვარდეს საკუთარი შვილი, რომ ჭიდაობაზე მიიყვანოს და ბავშვობიდანვე ამ სიბინძურის და მოსყიდვის მონაწილე გახადოს.

00:41 | 06.02.2019
mikamika (1450)

ყოჩაღ ჟურნალისტს!

აი ასე, ყველამ საჯაროდ უნდა გამოთქვას თავისი პოზიცია.

მეზიზღება ყველა შეუგნებელი, ინსტინქტებით მცხოვრები პირუტყვი, რომელთაც ადამიანისთვის დამახასიათებელი მხოლოდ 2 ფეხზე სიარული აქვს.

ჩემი მხარდაჭერა ზურაბს!

22:22 | 05.02.2019
UXXUCES (83)

აქ ერთი კითხვა მიჩნდება ჩვენ უბრალო მხარდამცერებს ქართული ჩიდაობის გვაქვს თუ არა უფლება გავიდეთ და მოვითხოვოთ გეგეშიდზის გადადგომა? ... მემგონი გვაქვს ხოდა რათომ არ ვინდზრევით? თავს არ ვიცუხებთ? კი ესეა)... არ ვიცუხებთ და მერე სხვა ქვეყნის სახელით თუ გამოვა ეს ბიჭი ლანდზვას დავუცყებთ .... ჩვენ შევეგუებით ამ უნამუსობას ამ ჩაგვრას რადგან გეგეშიდზის გარეშე ჩამოიქცევა ქვეყანა და ქართული ჩიდაობა.. დდ) და კიდევ ბევრს მივცემთ შEსადზლებლობას ჩაგროს იყოს უნამოსო ნამუსგარეცხილი და იყოს მართველი სხვადასხვა ორგანოსში....ცჰვენ უბრალო ხალხი გავზარმაცდით დავკარგეთ რაგაც არვიცი რაც გინდათ ის დაარქვით გინდათ გამბედაობა გინდათ მონდომება და ის თანამდებობის პირი თუ უნამუსოა ნუ დავაბრალებთ მას რომ ესეთია ...თუ საქონელი ვერ აგნებს ბოსელს ვიღაცამ უნდა შედენოს ბოსელში

23:43 | 05.02.2019
პანტელეიმონი (4200)

+1

21:32 | 05.02.2019
NIKA..01 (386)

ღირსების გრძნობა არ ქონია გეგეშიძეს...სირცხვილი მას.უღირსი საქციელის კიდე უფრო უღირსი გაგრძელება...

18:30 | 05.02.2019
Mamulo (264)

ჭიტლაყი გეგეშიძეს.რა გახდა ამ მოძალადის მოშორება ბოლო=ბოლო.აქედანაც ჩანს როგორ ევროპულად ვაზროვნებთ და შორს რომ ვართ ევროპიდან

18:25 | 05.02.2019
ინტიმური საუბრები სპორტზე (KORBEN) (14124)

უნდა წავიდეს დათუნაშვილი სხვა ქვეყანაში - ყოველგვარი სინდისის ქენჯნის გარეშე.
ამ ქვეყანაში ღირსება და სამართლიანობა რა ხილია, მაგის ბაიბურშიც აღარ ვართ. არ ვიცით, არც ფასობს და არც გვჭირდება თურმე, მაგის დედაც...
ფუ, როგორ ყარს უკვე ყველაფერი ((

0.170106