ვილი ისიანის საუკეთესო მატჩი ამერიკის სტუდენტურ ლიგაში. “დეტროიტ მერსი ტიტანსის” ქართველმა ფორვარდმა “ინდიანაპოლის პერდიუ იაგუარსთან” მატჩში 20 ქულა ჩააგდო. სამწუხაროდ დეტროიტელებმა ეს მატჩი 65:80 დათმეს.

ვილი ისიანი სასტარტო ხუთეულში იყო და მოედანზე 28 წუთი გაატარა. ქართველი ფორვარდი მეტოქის ფარს მხოლოდ 3-ქულიანებით უტევდა და 13 ცდაში 6 შორი სროლა ჩააგდო. ისიანმა 2-დან 2 საჯარიმოც მიითვალა და ჯამში 20 ქულა და 1 მოხსნა მმოაგროვა.

ისიანს, რომელიც 204 სანტიმეტრია, საოცარი სტატისტიკა აქვს. მან “დეტროიტში” 4 მატჩი ჩაატარა და საშუალოდ 8 ქულას ისე აგროვებს, 2-ქულიანი არ უსვრია. მთლიანიბაში ვილის 31 სამქულიანი აქვს ნასროლი და 14 ჩაგდებული, რაც ტანმაღალი კალათბურთელისთვის გამორჩეული და მაღალი შედეგია.

“დეტროიტ მერსი ტიტანსს” 10-გუნდიან “ჰორაიზონის” კონფერენციაში 5 მოგება და 4 მარცხი აქვს და მე-5 ადგილზე იმყოფება. მორიგ მატჩს დეტროიტელები შინ, 1 თებერვალს, კლივლენდის უნივერსიტეტთან გამართავენ.