"ალავესის" აწ უკვე ყოფილი ესპანელი შემტევი იბაი გომესი "ატლეტიკოში" დაბრუნდა და კონტრაქტი 2022 წლის ივლისამდე გააფორმა. აღნიშნული ინფორმაცია ბასკური კლუბის ოფიციალურმა ვებგვერდმა გაავრცელა.

გომესმა "ბილბაოს" პირველ გუნდში თამაში 2011 წელს დაიწყო და კლუბი 2016 წელს თავისუფალი აგენტის სტატუსით დატოვა. გომესმა ბასკური გუნდის რიგებში 145 მატჩი ჩაატარა და 17 გოლი გაიტანა. "ალავესის" მაისურით იბაიმ 92 მატჩში მიიღო მონაწილეობა და თავი 17 გოლით გამოიჩინა.