"სარაგოსას" ქართველი შემტევი გიორგი პაპუნაშვილი "ექსტრემადურასთან" (2:1) მატჩის გმირი გახდა, რადგან გამარჯვების გოლი გაიტანა და არაგონელებს ესოდენ ნანატრი სამი ქულა მოუტანა.
კლუბის ტვიტერის გვერდზე საინტერესო ვიდეო გავრცელდა - პაპუნაშვილის გოლი სხვა რაკურსით. კადრებში ჩანს, გოლის მომენტში "სარაგოსას" სათადარიგო სკამის და რაც მთავარია ფანების რეაქცია.
"ლა რომარედას" სტადიონზე შეხვედრას 23.349 გულშემატკივარი დაესწრო და ყველა ერთხმად სკანდირებდა: "პაპუ, პაპუ, პაპუ!"
