ფიფამ ნოემბრის სანაკრებო მატჩების შემდეგ განახლებული რეიტინგი გამოაქვეყნა. საქართველოს ნაკრები მცირე პროგრესს აგრძელებს და ამჯერად 3 საფეხურით დაწინაურდა და უკვე 90-ეულში მოკალათდა.
ვლადიმირ ვაისის გუნდს 1269 სარეიტინგო ქულა აქვს და 89-ე პოზიციაზეა. აქვე გეტყვით, რომ ნოემბერში საქართველოს ნაკრებმა ორი თამაში ჩაატარა, ანდორასთან ფრეს გამორჩა (1:1), ხოლო ყაზახეთი დაამარცხა (2:1).
...85. გაბონი - 1277 ქულა
86. ლუქსემბურგი - 1276
87. კვიპროსი - 1276
88. ერაყი - 1271
89. საქართველო - 1269
90. ისრაელი - 1269
91. ყირგიზეთი - 1264
92. ტრინიდადი და ტობაგო - 1260
93. ყატარი - 1258
94. ბენინი - 1257
95. უზბეკეთი - 1251
რაც შეეხება საქართველოს ნაკრების მეტოქეს ერთა ლიგის ნახევარფინალში, ბელარუსის ნაკრებს, მანაც განიცადა პროგრესი და 78-ე ადგილიდან 76-ე პოზიციაზე გადაინაცვლა.
საუკეთესო ათეულში კი ერთადერთი გადაადგილება მოხდა - პორტუგალიამ და ურუგვაიმ ადგილები გაცვალეს:
1. ბელგია - 1727 ქულა
2. საფრანგეთი - 1726 ქულა
3. ბრაზილია - 1676
4. ხორვატია - 1634
5. ინგლისი - 1631
6. პორტუგალია - 1614
7. ურუგვაი - 1609
8. შვეიცარია - 1599
9. ესპანეთი - 1591
10. დანია - 1589
ფიფას ახალი და 2018 წლის ბოლო რეიტინგი 20 დეკემბერს გამოქვეყნდება.