იტალიური „ნაპოლის“ თავდამსხმელმა დრის მერტენსმა „ემპოლისთან“ (5:1) შეხვედრაში ჰეთ-თრიქი შეასრულა და ორი რეკორდიც დაამყარა.
მერტენსი გახდა სერია A-ს ისტორიაში ყველაზე შედეგიანი ბელგიელი. დრისის ანგარიშზე ამჟამად 75 გოლია იტალიის ჩემპიონატის ეგიდით და თანამემამულე ლუის ოლივეირას შედეგი გააუმჯობესა.
ამ უკანასკენელმა 1992-2001 წლებში „კალიარის“, „ფიორენტინასა“ და „ბოლონიას“ მაისურით 72 გოლის გატანა შეძლო.
მეორე რეკორდს რაც შეეხება - „ნაპოლის“ მაისურით ყველა ტურნირის ჩათვლით 98 გოლი დაუგროვდა და ნეაპოლელთა ლეგენდარული ბრაზილიელი ფორვარდის, კარეკას შედეგი გააუმჯობესა.
შეგახსენებთ, დრის მერტენსი „ნაპოლის“ ღირსებას 2013 წლიდან იცავს, ხოლო იქამდე სახელი პსვ ეინდჰოვენში თამაშით გაითქვა.
