ფეხბურთი

13:10 | 8.10.2018 | ნანახია 3838 - ჯერ

საქართველოს ნაკრები - იდეალური ვითარებისგან და ფორმისგან შორს

მაშ ასე, სწრაფად გავიდა ერთი თვე და სანაკრებო ციებ-ცხელებამ ისევ წინა პლანზე გადმოიწია. დღეს, საქართველოს ნაკრები შეიკრიბება და ერთა ლიგის მატჩებისთვის მზადებას დაიწყებს.

შეიძლება ითქვას, ეს გარდამტეხი მომენტია, რადგან ვლადიმირ ვაისის გუნდმა საწყისი ორი მატჩის მოიგო და ახლაც თუ მოახერხებს წარმატებით გამოსვლას, დიდი შანსია, ჯგუფიდან გასვლა ვადაზე ადრეც გაინაღდოს. თუმცა, ამისთვის ორივე შეხვედრის მოგება იქნება საჭირო.

მოდით, ახლა იმაზე ვისაუბროთ, როგორ მდგომარეობაში ეროვნული ნაკრები და ის ფეხბურთელები, რომელთა მხრებზეც გადაივლის მომდევნო ორი პრინციპული თამაში. ვაისმა 26 ფეხბურთელს უხმო, ორი უკვე მოისაკლისა. აბა, ისე, როგორც იქნებოდა, რომ ტრავმებისგან თავი აგვერიდებინა. გიორგი პაპუნაშვილი და ლევან მჭედლიძე სლოვაკის განკარგულებაში ამჯერზე ვერ იქნებიან. ეს ძალზე ცუდია, რადგან მოცემულ ვითარებაში თითოეული მოთამაშის ფასი განუზომლად დიდია.

და მაინც, რა ხდება დანარჩენი 24 ფეხბურთელის თავს? - მოდით ვაღიაროთ და მთლად სახარბიელო ვითარება ვერ გვაქვს. გაცილებით კარგ ფორმაში გვახსოვს ქართველი ფეხბურთელები, ვიდრე ბოლო ერთი თვის განმავლობაში არიან.

მეკარე

გიორგი ლორია უკლუბოდაა. მართალია „დინამოში“ ვარჯიშობს, მაგრამ ეს დიდი ვერაფერი ნუგეშია. ლორია უთამაშებელი შეხვდა ერთი თვის წინანდელ ფანჯარასაც და საუბედუროდ არაფერი შეცვლილა. სამაგიეროდ, თამაშობენ ლაზარე კუპატაძე და როინ კვასხვაძე, მაგრამ ვაისისთვის ეს ორი მეკარე მხოლოდ მეორე არჩევანია.

დაცვა

ვერც აქ გვაქვს იდეალური მდგომარეობა. გურამ კაშია და სოლომონ კვირკველია ტრადიციულად სათამაშო პრაქტიკას არ უჩივიან, მაგრამ საუკეთესო ფორმაშიც ნამდვილად არ იმყოფებიან. მაგალითად, „სან ხოსემ“, რომლის ღირსებას კაშია იცავს, უკანასკნელი 8 მატჩიდან 7 წააგო და 25(!) გოლი გაუშვა. ეს, ყველაფერზე მეტყველებს. სეზონი არც „ლოკომოტივისთვის“ და კვირკველიასთვის დაწყებულა კარგად და ქართველი ფეხბურთელიც ისეთი დამაჯერებელი ვერაა, როგორც შარშან. იგივე ითქმის ოთარ კაკაბაძეზე, რომელიც „ლუცერნში“ ახალი გადასულია და უკვე თამაშობს. ჯერ ადაპტაციის პერიოდს გადის და გასაგებია. სამწუხაროდ, წარმატებულად დაწყებული სეზონი ცუდად გრძელდება დავით ხოჭოლავასთვის. „შახტარის“ სასტარტოში ადგილი დაკარგა და ბოლოს მოედანზე 19 სექტმბერს იყო, როცა ჩემპიონთა ლიგაზე ითამაშა. სტაბილურად თამაშობენ ჯიმი ტაბიძე, გიორგი ნავალოვსკი და ლაშა დვალი.

ნახევარდაცვა

ნახევარდაცვის ხაზშიც რთული მდგომარეობა მოსჩანს. მართალია ბევრს სათამაშო პრაქტიკა აქვს და ტონუსშია, მაგრამ ვერ ვიტყვით, რომ გამორჩეულად ჩაატარეს ბოლო პერიოდი. კაპიტანი ჯაბა კანკავა ალბათ საუკეთესოც იყო. თამაშობენ სტაბილურად ოთარ კიტეიშვილიც, ნიკა კვეკვესკირიც, გიორგი აბურჯანიაც, ვახტანგ ჭანტურიშვილიც...

აი, ვაკო გვილია ბოლო დროს ვერაა ფორმაში. „ლუცერნში“ მწვრთნელისგან ნდობასაც ვერ გრძნობს და სათამაშო დროც მკვეთრად შეეზღუდა. აგერ, მაგალითად ბოლო ტურში, „იანგ ბოიზთან“ 90 წუთი სკამზე გაატარა. მაშინ, როდესაც ორი თვის წინ, პირველ წრეში, იმავე „იანგ ბოიზს“ გოლიც გაუტანა. ვაკო ყაზაიშვილი „სან ხოსეს“ ლიდერია, მაგრამ სამწუხაროდ, წელს „სან ხოსე“ ძალიან ცუდი და სუსტი გუნდია. თანაც, ბოლო ტურებში ვაკოც ვეღარ თამაშობს შედეგიანად. გიორგი მერებაშვილმაც ბოლო სამ შეხვედრაში დაკარგა პლოცკის „ვისლას“ სატარტოში ადგილი, რაც მიანიშნებს იმაზე, რომ სასურველ ფორმაში არაა.

გიორგი ჩაკვეტაძე თამაშობს. მართალია, „გენტი“ კრიზისშია, მაგრამ ქართველი ამ გუნდის ნათელი წერტილია და ისევ გვეიმედება მისი. იმედს ვამყარებთ თორნიკე ოქრიაშვილზეც, რომელსაც ბოლო ორი თამაშში ოდენ 20 წუთი დაეთმო, მაგრამ დაამტკიცა, რომ ფეხბურთის თამაში შეუძლია. „სევილიასთან“ მისი შედევრი ლატვიასთან გამარჯვების შემდეგ ალბათ, საუკეთესო ქართული საფეხბურთო ამბავი გახლდათ. ჯანო ანანიძე ორი კვირის წინ დაბრუნდა, თასზე 10 წუთი ითამაშა, აქტიურიც იყო, მაგრამ მერე აღარ გამოჩენილა. მასიმო კარერამაც აღნიშნა და თქვა, რომ 90 წუთისთვის მზად არაა. შესაბამისად, ვაისიც ვერ გარისკავს. საუკეთესო კონდიციებისგან რომ შორსაა, ვეჭვობთ, ამას ახსნა-განმარტებაც აღარ სჭირდება. აი, სამაგიეროდ, ლუკა ზარანდიაა მაგარ ფორმაში. ტურიდან ტურამდე უმატებს და პოლონეთის ჩემპიონატში გამორჩეულია. ერთი ეგაა, რამდენად დაეყრდნობა ბოლომდე სლოვაკი სპეციალისტი, რადგან ლუკა ეროვნულ ნაკრებში დებიუტანტია. ვაისს კი ერთი ხელისმოსმით დებიუტანტთა ნდობა ნამდვილად არ სჩვევია.

ფორვარდი

აქ ვაისს არჩევანი უბრალოდ არ აქვს. გიორგი ქვილითაია თავიდანვე გამოირიცხა. მერე, სლოვაკმა ლევან მჭედლიძე და ნიკა კაჭარავა გამოიძახა. ლევანმა თამაშიც დაიწყო, თითქოს ფორმასაც იბრუნებდა, „მილანთან“ აქტიურად ჩაერთო, მაგრამ... კვლავ დაშავდა. და, დარჩა კაჭარავა. ფეხბურთელი, რომელიც ნამდვილად რთულ პერიოდს განიცდის. კვიპროსის ჩემპიონატის მიმდინარე სეზონში ნიკამ 5 თამაში ჩაატარა, მაგრამ ხუთჯერვე ცვლილებაზე გამოჩნდა მოედანზე და ჯამში მხოლოდ 58 წუთი გაატარა მინდორზე.

რა თქმა უნდა, ამ წერილით არ გვსურს ბნელ ფერებში შევმოსოთ სიტუაცია, პირიქით, გვინდა, რომ რეალობას არ ავცდეთ, რაც ხშირად დამღუპველია ხოლმე. ერთი რამ ცხადია - შანსი გვაქვს და უნდა გამოვიყენოთ. ანდორისა და ლატვიის ნაკრებების დამარცხება თუნდაც სასურველი ფორმისგან შორს მყოფ საქართველოს ნაკრებს რომ შეუძლია, ამაზე დავაც არ ღირს. უბრალოდ, მეტოქეც უნდა დავაფასოთ და შევაფასოთ კიდეც.

კარგად დაწყებული საქმე, კარგად უნდა გაგრძელდეს!..

Loading...

კომენტარები (24)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
22:25 | 08.10.2018
maradona73@bianko-nero (93)

შევჩეს ვეთანხმები სასტავში, უბრალოდ ოქრის 9-ანზე კი არა 10-იანზე დავაყენებდი ამ უფოვარდო გუნდში, ხოლო ცხრიანზე ყაზაიშვილს.

21:20 | 08.10.2018
dubligi (650)

მოდი ასე ვთქვათ...ვინ უნდა იყოს კი არა, ვინ არ უნდა იყოს....საინტერესოა ადმინმა შემოგვთავაზოს გამოკითხვა და ვინ დააგროვებს არყოფნის დიდ პროცენტს...
მე დავიწყებ თქვენის ნებართვით....
არ უნდა იყოს..ლორია- მარაზმია უგუნდო მეკარის თამაში
კაჭარავა- ნუ არ შეუძლია რა(ვაკო, ოქრი ან არ ვიცი ვინ, ასე მგონია ყველა აჯობებს)
ჭანტურიშვილი- კომენტარის გარეშე
ნახევრად არ უნდა იყოს ნავალოვსკი-( ნახევრად იმიტომ, რომ სხვა არ გვყავს. მაგრამ ვწერდი ადრეც, რომ ტიპს პადაჩა არ აქვს და რა აზრი აქვს სად გაძვრება, თუმცა მონდომება აქვს, ვერ დაუკარგავ)
ეხლა თქვენ გააგრძელეთ....
ადმინ გაგვიკეთე რა ესეთი გამოკითხვა, წინასწარ მადლობა

09:20 | 09.10.2018
lagashi (3182)

საქმე იმაშია რომ უთამაშებელი ლორია და ფორმაში მყოფი კვასხვაძე ნაკრებისთვის ერთ დონეს წარმოადგენენ და რთულია არჩევანი გააკეთო რაც შეეხება კაჭოს, არ არის ახლა ექსპერიმენტების დრო და ვაისიც ნაცნობ, ბიჭებთან შეჩვეულ კაჭარავას უფრო ეყრდნობა ვიდრე ვინმე ახალს, მე ამხანაგურებში ძალიან მომეწონა სიხარულიძე, სულ სხვა სტილისაა ვიდრე ნაკრების ფორვარდები, მაგრამ რათ გინდა..

20:47 | 08.10.2018
maradona73@bianko-nero (93)

გაუმარჯოს ბიჭებს!

რას შვრებით, ანდორასთან სათამაშო ტაქტიკას არჩევთ, თუ სტრატეგიას?

20:53 | 08.10.2018
mjgiri (3952)

მე ლატვიასთან ვარჩევ

22:22 | 08.10.2018
maradona73@bianko-nero (93)

19:03 | 08.10.2018
rigeli (1067)

ეს კაცი სუფთა ფედერაციის / ან ფიფის / დავალებით იძახებს ნაკრებში ფეხ....ს კობახიძე ქიმაძე გაბედავა კუტალია ამ პერიოდისთვის საუკეთესო ფორმაში არიან რატომ არ იძახება ვალოდია ბიძია გასაკვირია--------რაის ჭანტურიშვილი-მერაბიშვილი-კვეკესკირი-კაჭარავა რა უნდა ნაკრებში

09:25 | 09.10.2018
lagashi (3182)

მე მახსენდება კუპერის ხანა, ნაკრების კარები გაუღო და პირდაპირ ძირითადში ჩასვა ჩვენი ჩემპიონატის გამორჩეული კლუბის ვიტ-ჯორჯიას ლიდერები, კვახაძე და რაზმაძე თუ არ ვცდები თითო 11-11 მატჩი დაუგროვდათ ნაკრებში, მაგრამ არაფერი გამორჩეული არ მახსენდება იმათი და მთლიანად ნაკრების თამაშიდან.

18:07 | 08.10.2018
mjgiri (3952)

Shevche
ანდორასთან 4-3-3 თუ ვითამაშებთ კი,შეიძლება კანკავას გარეშეც

17:37 | 08.10.2018
Shevche (14301)

mjgiri,
ჭანტურიშვილზე არასწორი წარმოდგენა გაქვს. მის დაბალ კლასზე რომ არაფერი ვთქვათ, არაა ეგ ის კაცი, ვინც მთელი ფლანგზე სირბილს შეძლებს. მარტივად რომ ვთქვათ, ეგ ფეხბურთელი დიდი გამძლეობით არ გამოირჩევა. არც სწრაფია და არც მოძრავი. ფიზიკურადაც არაა ძლიერი.
მაგ ტაქტიკაში ჭანტურიშვილზე უკეთესი ვარიანტი სანდრო კობახიძეა. მართალია დიდად არასდროს მომწონდა, აზროვნებაში და ფანტაზიაში ძალიან უჭირს, მაგრამ თუ მაგ ტაქტიკით ვითამაშებთ, მაგ პოზიციაზე აზროვნება დიდად არაა საჭირო და მაგ ფუნქციების შესასრულებლად გამძლეობაც, სისწრაფეებიც, ფიზიკაც ბევრად უკეთესი აქვს. თან ცაციაა, ჭანტურიშვილისგან განსხვავებით.

17:49 | 08.10.2018
mjgiri (3952)

უბრალოდ პოზიციურად თუ ვითამაშებთ დიდი რაოდენობით სამუშაოს შესრულება არ მოწევს,ამაზე იქნებოდა გათვლა.ისე კი,ებრალიძის მისინჯმა ამ პოზიციაზე კარგი იქნებოდა

17:51 | 08.10.2018
mjgiri (3952)

ისე კი,მართალი ხარ,წარმოდეგენა არ მაქვს რა ფეხბურთელია ჭანტურაშვილი

17:58 | 08.10.2018
Shevche (14301)

ჭანტურშვილი ზესტაფონიდან და მერე დინამოდან მახსოვს და გაფართოებულ შემადგენლობაშიც არ გამოვიძახებდი გულწრფელად რომ გითხრა

17:42 | 08.10.2018
#გავკარიჩემსპრეზიდენტს (KORBEN) (13564)

გეთანხმები. სანდრო ცუდი არ იქნებოდა მაგ ტაქტიკაში მარცხენა ფლანგზე.

17:14 | 08.10.2018
Shevche (14301)

_____________________ლორია_________________________
____კაკაბაძე___ხოჭოლავა___კვირკველია___ნავალოვსკი____
____________აბურჯანია______გვილია___________________
______ზარანდია_____ყაზაიშვილი_____ჩაკვეტაძე__________
___________________ოქრიაშვილი_______________________

ასეთი შემადგენლობა იქნებოდა ძალიან საინტერესო. ასევე კვეკვესკირიც რომ გამოსცადონ მარჯვენა მცველად, მეორე ტაიმში არ იქნებოდა ცუდი(თამაშობდა მაგ პოზიციაზე). კაკაბაძეს კონკურენტი გაუჩნდებოდა.
პ.ს. იმედია, ჯანოს აცდიან ბოლომდე გამოჯანმრთელებას.

08:11 | 09.10.2018
დიდიე აზანავიჩუსი (5)

კაშიას ძირითადიდან ამოგდება აქედანვე გამორიცხე, უკონკურენტოა. ხოჭოლავა თუ ვინმეს ამოაგდებს ისევ კვირკველიას, ტიპს ისეთი გათიშვები ემართება რო 16 წლის ფეხბურთელს არ ეკადრება, ლატვიელ შემტევს რომ დაუგორა ბურთი, კინაღამ გულმა მხია.

17:37 | 08.10.2018
salazar (1513)

კვეკვესკირის გამოსაცდელი დრო სად არის? ამხანაგური ხო არაა? : ))) ჯაბა წინა ორ თამაშში ძალიან კარგი იყო, ეხლაც ყველაზე კარგ ფორმაშია და ყველა სკამზე რატო სვამთ? გამორიცხულია დასვას.
ჯაბას შეუწყვილე სამიდან რომელიმე საყრდენი და მშვენიერი სასტავია.

17:53 | 08.10.2018
Shevche (14301)

ჯაბა ძალიან კარგია დაცვაში, მაგრამ შეტევაში ნაკლებად. ანდორასთან არამგონია დაცვაში თამაში დაგვჭირდეს. აბურჯანია მგონია რომ საკმარისი იქნება. თან დავტესტავდით.
კვეკვესკირი კი მეორე ტაიმში -თქო, რადგან მგონია პირველივე ტაიმშივე გადავწყვეტთ ამ მატჩის ბედს. და ანდორამ არამგონია ისეთი შტურმი მოგვიწყოს რომ კვეკვესკირის გამოყვანა რისკი იყოს )

17:52 | 08.10.2018
mjgiri (3952)

თავისთავად,ჩამშლელი აუცილებელია

17:57 | 08.10.2018
Shevche (14301)

აბურჯანიაც ჩამშლელია. ადრე უფრო შემტევი ტიპის საყრდენი იყო, მაგრამ ბოლო თამაშებში, რაც ათამაშეს, უკნიდან ათამაშეს და საკმაოდ კარგი იყო.

17:58 | 08.10.2018
mjgiri (3952)

ცოტა სხვა ტიპისაა აბურჯანია,მაინც კანკავაა საჭირო

18:00 | 08.10.2018
Shevche (14301)

ლატვიასთან კიდე ჰო, მაგრამ ანდორასთან მაინც არამგონია რა )

17:17 | 08.10.2018
Shevche (14301)

კიტეიშვილი გამომრჩა. გვილიას ნაცვლად კიტე! )

16:50 | 08.10.2018
laciosErtguli (3485)

ალბათ: ლორია - კაკაბაძე, კვირკველია, ხოჭოლავა, ნავალოვსკი - კანკავა, აბურჯანია - ჩაკვეტაძე, ყაზაიშვილი, კიტეიშვილი - ოქრიაშვილი.

16:42 | 08.10.2018
mjgiri (3952)

ლატვიას არააქვს ამის რესურსი,თორემ პირველ თამაშში ისეთი ცუდი ტაქტიკით ვითამაშეთ ლატვიასთან რომ შეეძლოთ მოგებაზე ფიქრიც

16:55 | 08.10.2018
mjgiri (3952)

ფაქტია,რომ ლატვიელებს შუა ხაზი არ უვარგათ,ამიტომ ცენტრის გავლა მოკლე გადაცებით არ შეუძლიათ.ერთადერთი და ყველაზე ეფექტური გამოსავალი,მოედნის ცენტრის გრძელი გადაცემებიტ გავლაა.ამისთვის საჭიროა ერთი მაღალი ფორვარდი,ვინც მაღალ ბურთს მოიგებს და შეძლებს ფორვარდს ჩაუგდოს.საჭიროა ორი შედარებით სწრაფი ფორვარდი,რომლებიც ბურთის გამოტანის დროს ითამაშებენ ფორვარდთან მაქსიმალურად ახლოს,ხოლო დაცვისას მოედნის მთელს ფლანეგებზე ჩაჯდებიან

16:04 | 08.10.2018
O. Mertskhali (3230)

ჩვენ, რომელთაც არ გვყავს დიდი გოლავიკები, ანდორისნაირ და ლატვიისნაირ დაცვით გუნდებთან უნდა ვითამაშოთ ორი თავდამსხმელით, რომ რაოდენობის გაზრდით დავაბალანსოდ ეს ნაკლი: ანუ, როცა დაცვაში ჩაჯდებიან, უშუალოდ საჯარიმოში (მეკარის მოედნის წინ), უნდა იყოს ორი ფეხბურთელი, ჩემი აზრით.. მაგრამ 'ვაი'-ს ორი თავდამსხმელი, საერთოდ არ ჰყავს გამოძახებული DDDDD

16:36 | 08.10.2018
mjgiri (3952)

ყველაფერს აქვს თავისი მინუსი..ჩვენ ერთი ტიპის ცხრიანები გვყავს და ესაა პრობლემა

16:40 | 08.10.2018
mjgiri (3952)

თან იმ ფორვარდებამდეც ბურთია მისატანი,გრძელი გადაცემებით ჩვენ არ ვთამაშობთ,ამიტომ ორი ფორვარდით თამაში ჩვენს სტილში საერთოდ არ ზის

17:35 | 08.10.2018
salazar (1513)

ორი ფორვარდით თამაში საერთოდ უკვე წარსულის გადმონაშთია.

18:02 | 08.10.2018
mjgiri (3952)

რატო,ისლანდიამ ორი ფორვარდით მიაღწია წარმატებას,იგივე შვედეთიც ორი ფორვარდით თამაშობს...მაინც სტილზეა დამოკიდებული

15:56 | 08.10.2018
O. Mertskhali (3230)

..კი, მაგრამ, მჭედლიძის ტრავმის შემდეგ, თავდამსხმელი რატომ არ დაამატა, ამ 'ვაი'-მ?! აბა სხვა რისთვისაა, ის გაფართოვებული შემადგენლობა?!

15:55 | 08.10.2018
sabonis (8735)

აგენი რაღაცისთვის გვამსადებენ ეტყობა, კი მარა როდის იყო ჩვენს ნაკრებში უკეთესი ვითარება ან როდის იყო ჩვენი ნაკრები უკეთეს ფორმაში? დდდ

15:32 | 08.10.2018
mjgiri (3952)

დავიწყებ ლატვისათან თამაშით:
აქ ქვევით დაწერა dinamo222-მა,რომ სამი მცველი საკმარისია ლატვიასთან და აბსოლიტურად ვეთანხმები.ჩემი აზრით,ვაისმა 3-4-3 სქემა უნდა გამოიყვანოს ლატვიის წინააღმდეგ.ლატვია ბოლო დროს 4-4-2 სქემას იყენებს,და 3-4-3 იდეალური ვარიანტია.
3 მცველი იოლად გაუმკლავდება ლატვიელთა 2 ფორვარდს,თუნდაც შეთამაშებულნი რომც არ იყვნენ,ხოლო მოედნის ცენტრში,იქნება გაცვლა 4-4 ზე,რაც შესაძლებლობას მისცემს უფრო მაღალი დონის ხაზს კონტროლის დამყარებაში.შეტევის ხაზში კი 3 ფეხბურთელი ითამაშებს,რაც უკეთესი ვიდრე 1 ან ორი ფორვარდი.
3-4-3-ს მთავარი დაცვითი იდეაა,დაცვა კარისგან მაქსიმალურად მოშორებით.სქემა იძლევა საშუალებას პრესინგში ერთდროულად 7 ფეხბურთელის გამოყენიბის(რაც შეუძლებელია 4-3-3 ან 4-5-1 სას)
ეხა გადავიდეთ შემადგენლობაზე:დაცვა-
კაშია-დაცვის ცენტრალური-ცენტრალური მცველი.ფუნქციონალურად-დაცვის ლიდერი,მცველთა ორიენტირა,რომელიც სხვა მცველებზე დაბლა რჩება საჭიროების შემთხვევაში და მათ დაზღვევაზე თამაშობს.ასევე იწყებს გუნდის შეტევას პირველი პასით,რაც ძალიან მნიშვნელოვანია.
ხოჭოლავა და კვირკველია-ტანმაღალი მცველები,იძლევიან საშუალებას საჯარიმოში ჩამოწოდებული ბურთების მოგერიების,აზღვევენ ებრალიძეს და კაკაბაძეს შესაბამისად,ასრულებენ მეტ სამუშაოს ვიდრე კაშია(ეს ძალიან დაეხმარება კაშიას ნაკრებში დიდი ხნით შესანარჩუნებლად)
შეტევისას მცველთა სამეული იშლება მინდვრის მთელ სიგანეზე,დაცვის ფაზაში კი,მოქმედებენ კომპაქტურად,ერთმანეთთან ახლოს,ხოლო ფლანგის ნახევარმცველები იხევენ ქვემოთ და განაპირა მცველების პოზიციაზე დგებიან.კონტრშეტევისას,თუ ფლანგის ნახევარმცველი ვერ ასწრებს დაცვითი პოზიციის დაკავებას,მის პოზიციას ცენტრალური მცველი იკავებს.მაგალითად,თუ კაკაბაძე ვერ ასწრებს დაბრუნებას,ფლანგის მცველის პოზიციაზე გადადის კვირკველია,ხოლო დანარჩენი ორი მცველი(კაშია-ხოჭოლავა)თამაშობენ ორ ცენტრალურ მცველს.ანუ მარჯვენა სტოპერიდან-მარჯვენა ფულბეკად იქცევა კვირკველია.ეს მანევრი,იძლევა საშუალებას კონტრშეტევის დროულად შეჩერების,და ინახავს "ზედმეტ" ნახევარმცველს
მოედნის ცენტრი:
მოედნის ცენტრში ორი ნახევარმცველი განლაგდება:კანკავა და გვილია.აქ მთავარ როლს კანკავა შეასრულებს,რომელიც ფიზიკურად ძლიერია და ერთაბრძოლებში კარგათ მოქმედებს,ასევე კარგად კითხულობს თამაშს,რაც აძლევს საშუალებას ითამაშოს ართმევაზე და დაზღვევაზე.კანკავას შეუძლია შეტევაში ჩართვაც.
გვილია-მეორე ცენტრალური ნახევარმცველი,ადამიანი ვისაც პლეიმეიქერის ფუნქციის გარკვეულწილად აღება ძალუწს.გვილია ტექნიკურია,კარგად ფლობს ბურთს,საშუალო და გრძელი პასიც კარგ დონეზე აქვს ,რაც საშუალებას იძლევა ფლანგებს შორის ბურთის გადანაწილების.გვილიას აქვს საკმაოდ კარგი დარტყმა,რაც არანაკლებ მნიშვნელოვანია,ძირითადი ფუნქცია კი მაინც ბურთის და თამაშის ტემპის კონტროლია.
ფლანგის ნახევარმცველები:კაკაბაძე-ჭანტურაშვილი.ამ ორი ფეხბურთელის მთავარი ამოცანა,ფლანგზე მოძრაობის შექმნაა,და იგივე ჭანტურაშვილი გაცილებით უფრო ეფექტური იქნება,ვიდრე ნავალოვსკი,თანაც ეს მისი ძირითადი პოზიციაა.(პირადა მე,ჭანტურაშვილის ნაცვლად ებრალიძეს ვნახავდი,მაგრამ..)
შეტევის ხაზი:ჩაკვეტაძე,კაჭარავა,ზარანდია(როგორი გასაკვირიც არ უნდა იყოს..მე პაპუნაშვილი მინდოდა,მაგრამ სამწუხაროდ არ იქნება)ჩაკვეტაძის ქვემოთ ებრალიძის გამოყენება,საშუალებას მისცემდა გიორგის უფრო ცენტრში შეწეული და ფლანგს არ მიბმოდა,მაგრამ ჭანტურაშვილიც გამოდგება მის დასახმარებლად.ინსაიდის პოზიციაზე,ჩაკვეტაძეს ექნება საშუალება ბურთის გათამაშებაში მონაწილეობის მიღების.
მეორე ფლანგის ფორვარდად განვიხილავდი პაპუნაშვილს.პაპუნაშვილს,რადგან ის გაცილებით უფრო მოძრავია,ვიდრე ყაზაიშვილი.ყაზაიშვილს უჭირს ლატვიის დარ კომპაქტურად მოთამაშე დაცვის წინააღმდეგ,ძალისმიერ ფეხბურთში ის არ ვარგა.პაპუნაშვილს რაც შეეხება,მან კარგად იცის ფლანგის "გაჭრა",სწორი მოძრაობით და მცველთა წაყვანა(რაღაცით პედროს მაგონებს,ბარსელონას დროინდელს)იცის მოწინააღმდეგის მცველთა საკურთარ თავზე კონცენტრირება,რითაც ათავისუფელბს ზონას.ეს თვისება წინა წელს შევამჩნიე და მინდა ავღნიშნო,რომ ძალიან კარგად არღვევს მოწინააღმდეგის ხაზის განლაგებას როგორც ვერტიკალურად,ასევე ჰორიზონტალურადაც.
მაგრამ პაპუ არ იქნება,და ამ როლის საკუთარ თავზე აღება მოწევს ზარანდიას.რომელიც ასევე ძალიან კარგ დრიბლინგს ფლობს რითიც რიცხობრივი უპირატესობის შეუძლია ლოკალურ ზონებში.ზარანდია თამაშობს პოლონეთში და მოჩვეულია ხისტ თამაშს,მთავარია დროულად შეასრულოს გადაცემები და არ გაერთოს დრიბლინგით.
და ბოლოს ცენტრ.ფორვარდი.
მე ამ პოზიციაზე ქვილითაიას აყოფნაში მჭედლიძის ნახვა მსურდა,თუმცა ვერ მოხერხდა...
კაჭარავაზე ბერვი რამ ვთქვი აქამდე,აქ კი ავღნიშნავ: როგორც კი წინ გავალთ,კაჭარავა უნდა შევცვალოთ და ყაზაიშვილი გამოვიშვათ.

15:53 | 08.10.2018
dinamo222 (4570)

3 მცველი ანდორასთან თანაც სახლში ულაპარაკოდ გამოდგება და ლატვიასთან სტუმრად კი შეუძლია ვაისს ისევ 4 მცველი და 2 საყრდენი დააყენოს თუ ასე უხარია დაცვითი ფებურთი D

15:34 | 08.10.2018
mjgiri (3952)

აქვე უნდა ავღნიშნო,რომ 3-4-3 არ გამოდგება ანდორის წინააღმდეგ,რადგან ნახევარდაცვაში დეფიციტს შექმნის,სამი ცენტრალური მცველი კი ნამდვილად ზედმეტია,ერთი ანდორელი ფორვარდის წინააღმდეგ

15:29 | 08.10.2018
playmaker (4719)

გამოაკლდა და დაამატოს თავდამსხმელი მჭედლიძის მაგივრად არაბული ან ზივზივაძე (გაბედავას არ დაუძახებს თორემ შეიძლება ორივეს აჯობოს) და პაპუს მაგივრად თუნდაც ლობჟანიძე თორემ ფაქტიურად ჯანოც გამოკლებულია არა მგონია მაგის დაყენება გარისკოს წინა მწარე გამოცდილებიდან გამომდინარე და ან რომც გარისკოს რა ფორმაში უნდა იყოს ჯერ

15:27 | 08.10.2018
#გავკარიჩემსპრეზიდენტს (KORBEN) (13564)

ანდორასთან "ტეხნარებს" ენდოს ვაისი, გვასიამოვნოს გულშემატკივარს:

-----------------ლორია-------------------
ოთარა-----კაშია-------კვირკველია-----ნავალა
--------აბურჯანია------კიტეიშვილი---------
---ზარანდია------ოქრი-----ჩაკვეტაძე--------
---------------ყაზაიშვილი------------------

ჩემი აზრით, ეს სასტავი სამი-ოთხი ბურთის სხვაობით მოიგებს და თან ლაღად იბურთავებს.

17:32 | 08.10.2018
salazar (1513)

ძაან აპასნია საყრდენი ზონა. რომელიმეს კანკავა შეუწყვილე და ხელს ვაწერ : )

14:59 | 08.10.2018
რაჭა (9591)

მჭედლიძე გამოძახებულთა სიაში, რომ აღმოვაჩინე ჩამეღიმა....
როდის მოასწრო დაშავება???

15:02 | 08.10.2018
ირაოლა (413)

"დაშავება" თუ გამოჯანმრთელება??? მე კი ვხუმრობ, მაგრამ ამ ბიჭისთვის ტრაგედიაა
წარმატებები მას და ყველას

14:38 | 08.10.2018
KD (206)


რუსული გავლენიანი სპორტული გამოცემა Sports.ru კვერკველიას თამაშით კმაყოფილია და წერს: "სოლომონ კვერკველია, როგორც ყოველთვის, დაუჯერებლად სტაბილური იყო, რასაც მისივე სტატისტიკა გვიმტკიცებს: 8 მოგებული საჰაერო ორთაბრძოლა, 3 ჩაჭრა და 3 მოგებული ფიზიკური ორთაბრძოლა".

რავიცი, აქ ფორმაში არააო და რომელს ვენდოთ?

14:50 | 08.10.2018
salazar (1513)

არასტაბილურია.
ბოლო შეხვედრაში კარგი იყო.
ზენიტთან ძიუბამ ისეთი რაღაც დამართა შემრცხვა და გამოვრთე თამაში. ცინგლიანი ბავშვივით მიაგდო ეს მთასავით კაცი.

15:03 | 08.10.2018
KD (206)

ეგრე დიმარიამაც გაჩაჩხა პუიოლი სრული ამ სიტყვის მნიშვნელობით, მაგრამ ერთი მომენტით არასტაბილურიაო, ვერ იტყვი. თავად რუსები წერენ, სტაბილურიაო. პ.ს. ამის თამაშები არ მაქვს ნანახი და ვერ გეტყვი დაზუსტებით, ისევ რუსულ წყაროზე დაყრდნობით გეუბნები

17:31 | 08.10.2018
salazar (1513)

რა ერთი მომენტით მარტო ხუთი მომენტი იყო მაგ თამაშში სადაც შეცდა და განადგურდა ლოკომოტივი, რაც სეზონი დაიწყო ეს ბოლო შეხვედრა ჩაატარა ყველაზე კარგად.

14:31 | 08.10.2018
mjgiri (3952)

მეც უნდა დავწერო ჩემი ხედვა ნაკრებთან დაკავშირებით

14:25 | 08.10.2018
სავაშა__ (6483)

ჩემი აზრით ვაისი თუ ენდო კიტეიშვილს და თამაშიც წაუვიდა, ამ ორ თამაშს წაიყვანდა ეგ კაცი

14:29 | 08.10.2018
dadado9 (14992)

თან წაუვიდაო ძმაკაცია თუ რა ბაზარია?

14:04 | 08.10.2018
dinamo222 (4570)

ამ სტატიის ავტორს რომ უსმინოს კაცმა წინასწარ უნდა გამოვფინოთ თეთრი დროშები და ანდორასაც და ლატვიასაც უნდა დავუწვეთ @ არაფერი ისეთი განსაკუთრებული ცუდი არ ხდება ! ასეთი სიტუაცია თითქმის ყოველთვის გვქონდა და ყოველთვის გვაკლდა 3-4 ფეხბურთელი ! და ამ შემადგენლობითაც გადავუვლით ანდორასაც და ლატვიასაც ! მე მგონია რომ 5-5 ზე უნდა ვითამაშოთ ანუ 5 ჩამშლელით და 5 შემტევით 3 მცველი კვირკველია კაშია ხოჭოლავა საკმარისია ანდორასთან სახლში + 2 ცენტრალური კანკავა კვეკვესკირი + ფლანგებზე ნავალოვსკი და კაკაბაძე + წინ წაწეული ჩაკვეტაძე და ოქრიაშვილი და გამოკვეთილი თავდამსხმელი ყაზაიშვილი ან უკეთესი იოქნება მეორე თავდამსხმელიც დავაყენოთ ოქრიაშვილის ნაცვლად ოქრი ჯერ არაა მთლად ფორმაში და მეორე ტაიმში შეიძლება მისი გამოყვანა ან საქართველოს ჩემპიონატში მაინც არ მოიძებნა ერთი ნორმალურ ფორმაში მყოფი თავდამსხმელი ამ ორთამაშში რომ დაეხმაროს გუნდს ??

13:57 | 08.10.2018
XoMe (938)

კაჭარავა თუ ძირითადში დააყენა და ანდორას გოლი ვერ გაუტანა, ეგ მერე საერთოდ არუნდა გამოიძახო ნაკრებში : )))

14:31 | 08.10.2018
iceman (2075)

კაჭარავა როცა კარგ ფორმაშია მე პირადად სანაკრებო კაცად მიმაჩნია, მაგრამ ახლა საშინელ ფორმაშია, თუმცა თუ იმის დამტკიცება უნდა რომ ნაკრების ღირსია ანდორასთან ამ კონდიციებშიც უნდა გამოიჩინოს თავი

14:06 | 08.10.2018
dinamo222 (4570)

კაჭარავას ჯობია ვაკო დააყენოს ან საქართველოს ჩემპიონატიდან აიყვანოს ვინმე

13:52 | 08.10.2018
თენგაბი (270)

ტოჩი, თუში და ტალახაძე კიდევ,ვინ დაგვიდგება წინ? აი, პოზიციები ვერ შევურჩიე, ვინ, რომელ პოზიციაზე განვალაგო.

14:05 | 08.10.2018
dinamo222 (4570)

ხიუნჩაგაც გამოგვადგება წელში შეუვარდება იმათ მეკარეს და მოისვრის კარიდან და მერე ცარიელ კარებში იქნება გაიტანოს კაჭარავამაც

13:41 | 08.10.2018
irakli899 (1361)

ბასილაშვილი რო გამოვიძახოთ? არის მაგის შესაძლებლობა?

15:43 | 08.10.2018
O. Mertskhali (3230)

+

13:19 | 08.10.2018
salazar (1513)

კარგი სტატიაა.
მეორე შეხვედრაში ფიზიკურად განსაკუთრებით გაგვიჭირდება. ამიტომ პირველ ტაიმში უნდა მოვიპოვოთ ანგარიშში უპირატესობა.
ზარანდია ძირითადის კაცია, ალტერნატივას ვერ ვხედავ, თუ ჩაკვეტა, ვაკო და ოქრი დააყენა მაშინ კაჭარავას დაყენებაც მოუწევს. ამიტომ ჯობია ვაკო ცრუ ცხრიანზე, ოქრი ათიანზე და ფლანგზე ზარანდია.
კაჭარავას შემოყვანას ყოველთვის შეძლებს.

აი საყრდენზე საერთოდ არ გამიკვირდება ჯაბას აბურკანია, რომ შეუწყვილდეს.

უკან ყველაფერი ნათელია.

სარეკლამო ადგილი - 20
250 x 188
სარეკლამო ადგილი - 22
250 x 250
0.154956